JQuery

jQuery (вымаўляецца джэй-кві́эры) — кросплатформавая JavaScript-бібліятэка, прызначаная для спрашчэння сцэнарыяў на баку кліента з HTML^[3]. Прадстаўлена ў студзені 2006 года ў Нью-Ёрку на канферэнцыі Баркемп Джонам Рэзігам. У цяперашні час паляпшаецца камандай распрацоўшчыкаў на чале з Дэйвам Метвінам. Выкарыстоўваецца больш чым на 80 % з 10 тысяч сайтаў з самай вялікай колькасцю наведванняў^[4]. jQuery з’яўляецца найбольш папулярнай бібліятэкай JavaScript, якая выкарыстоўваецца сёння^[5][6].

jQuery
Тып	JavaScript-бібліятэка
Распрацоўшчык	Джон Рэзіг
Напісана на	JavaScript
Аперацыйная сістэма	Кросплатформавае ПЗ
Першы выпуск	студзень 2006
Апошняя версія	3.7.1 (28 жніўня 2023)[1]
Бэта-версія	4.0.0-beta2 (17 ліпеня 2024)[2]
Ліцэнзія	ліцэнзія MIT[d]
Сайт	jquery.com
Медыяфайлы на Вікісховішчы

jQuery з’яўляецца свабодным праграмным забеспячэннем з адкрытым зыходным кодам, пад ліцэнзіяй MIT^[7]. Сінтаксіс jQuery распрацаваны, каб зрабіць яго больш арыентаваным на дакумент, выбарку элементаў DOM-мадэлі, стварэнне анімацыі, апрацоўку падзей і распрацоўку праграм Ajax. jQuery таксама дае магчымасці для распрацоўшчыкаў па стварэнні ўбудоў у бібліятэку JavaScript. Гэта дазваляе распрацоўшчыкам ствараць абстракцыі для нізкаўзроўневага ўзаемадзеяння і анімацыі, высакаякасных эфектаў. Модульны падыход бібліятэкі jQuery дазваляе ствараць магутныя дынамічныя вэб-старонкі і вэб-праграмы.

Мноства элементаў паводле выбаркі элементаў з DOM-мадэлі, абыход і маніпуляцыя з падтрымкай селектарнага рухавіка пад назвай «Sizzle», які выкарыстоўваецца ад версіі 1.3, стварыў новы стыль праграмавання, ф’юзінг алгарытмы і DOM-структуры даных, што паўплывала на архітэктуру іншых фрэймворкаў JavaScript, такіх як YUI v3 і Dojo.

Microsoft і Nokia выкарыстоўваюць jQuery у сваім платформах^[8]. Microsoft уключыў бібліятэку ў сваё асяроддзе распрацоўкі Visual Studio^[9] для выкарыстання ў рамках сваіх фрэймворкаў Microsoft ASP.NET AJAX і ASP.NET MVC, у той час як Nokia інтэгравала бібліятэку jQuery у платформу распрацоўкі віджэтаў Web Run-Time^[10]. jQuery таксама выкарыстоўваецца ў MediaWiki, пачынаючы з версіі 1.16^[11].

Зноскі

1. jQuery 3.7.1 Released: Reliable Table Row Dimensions — 2023.
2. jQuery Foundation- jquery.org Second Beta of jQuery 4.0.0 | Official jQuery Blog — 2024. Праверана 4 верасня 2024.
3. jQuery: The write less, do more, JavaScript library. The jQuery Project.
4. JavaScript libraries usage statistics Архівавана 31 снежня 2014., Analysis by SimilarTech
5. jQuery Usage Statistics Архівавана 25 снежня 2018.. Trends.BuiltWith
6. Usage of JavaScript libraries for websites. W3Techs
7. License — JQuery JavaScript Library. jquery.com
8. jQuery, Microsoft, and Nokia. jQuery Blog.
9. jQuery and Microsoft. ScottGu’s Blog.
10. Guarana UI: A jQuery Based UI Library for Nokia WRT Архівавана 23 лістапада 2009.. Forum Nokia.
11. jQuery. MediaWiki.