Леякарпус ломкі

Леякарпус ломкі (Leocarpus fragilis) — від слізевікоў сямейства фізаравых.

Леякарпус ломкі
Навуковая класіфікацыя
Дамен:  Эўкарыёты Без рангу:  Пратысты Царства:  Прасцейшыя Тып:  Amoebozoa Клас:  Міксаміцэты Парадак:  Фізаральныя Сямейства:  Фізаравыя Род:  Леякарпус Від:  Леякарпус ломкі
Міжнародная навуковая назва
Leocarpus fragilis (Dicks.) Rostaf.
Выявы на Вікісховішчы NCBI   289947 EOL   1007175 MB   207070

Апісанне

Вегетатыўнае цела (плазмодый) пеністай кансістэнцыі, жоўта-аранжавае. Спарангіі цесна скучаныя або ў пучках 2-4 мм вышынёй, грушападобныя або кароткацыліндрычныя, зрэдку амаль шарападобныя, сядзячыя або часцей вісячыя на белаватай ножцы, буравата жоўтыя ці каштанава-карычневыя. Споры шчаціністыя, у масе чорныя.

Арэал і экалогія

Пашыраны ў лясных біяцэнозах па ўсім зямным шары. На Беларусі трапляецца ў хвойных, мяшаных, драбналістых лясах у тоўшчы гнілых пнёў, бярвення, пад апалай карой, на лясным подсціле і інш. Сапратроф.

Літаратура

• Леякарпус // Энцыклапедыя прыроды Беларусі / гал. рэд. І. П. Шамякін. Т. 3. — Мінск: БелЭн ім. П. Броўкі, 1984. — С. 168.