NSU Spider

NSU Spider — легкавы аўтамабіль, які выпускаўся NSU Motorenwerke з 1964 па 1967 год. Першы аўтамабіль з ротарна-поршневым рухавіком^[1].

NSU Spider

NSU Spider на Вікісховішчы

Агульныя даныя

Вытворца:

NSU Motorenwerke

Выпуск:

1964—1967

Зборка:

ФРГ

Дызайн

Тып(ы) кузавы:

2‑дзв. кабрыялет

Гісторыя

Цягам 50-х гадоў кампанія NSU займалася распрацоўкай ротарна-поршневага рухавіка. Агрэгат увесь час дапрацоўваўся, удасканальваўся тэхнічна і нарэшце быў усталяваны на NSU Prinz. Улетку 1959 гады прататып з новым рухавіком выправіўся на выпрабаванні. Пазней рухавік усталявалі на купэ NSU Sport Prinz.

Кабрыялет створаны на базе Sport Prinz і стаў першай серыйнай машынай з ротарна-поршневым рухавіком. Аўтамабіль быў прадстаўлены на аўтасалоне ў Франкфурце ў верасні 1963 года. Выпускаўся з верасня 1964 па ліпень 1967 года, аднак яшчэ год пасля фактычнага заканчэння вытворчасці, да 31 ліпеня 1968 года, мадэль заставалася ў завадскім прайс-лісце. Было выраблена 2375 аўтамабіляў^[1].

Статыстыка вытворчасці, адз.^[2]

1964	1965	1966	1967
152	923	581	719

Канструкцыя

Выгляд ззаду.

Інтэр’ер.

Рухавік.

NSU Spider выпускаўся выключна з двухдзверным кузавам кабрыялет, створаным на базе NSU Sport Prinz. Акрамя складнога даху, знешне аўтамабіль адрозніваўся ад купэ наяўнасцю радыятарнай рашоткі спераду. Кузаў фарбавалі ў адзін з двух колераў: чырвоны або белы.

Рухавік размешчаны ззаду над задняй воссю. Для таго, каб збалансаваць размеркаванне вагі, радыятар і бензабак усталяваны ў пярэдняй частцы кузава. Акумулятар размешчаны пад сядзеннем.

Рухавік быў лёгкім і кампактным. Разам з каробкай перадач, генератарам і стартарам, агульная вага сілавога агрэгата складала ўсяго 125 кілаграмаў. Дзякуючы малым памерам матора машына мае багажнікі і спераду, і ззаду.

Каробка перадач усталявана перад задняй воссю. Рычаг пераключэння перадач знаходзіцца ў сярэдзіне салона на падлозе. Счапленне — сухое, аднадыскавае. Прывад — на заднія колы.

Тэхнічныя характарыстыкі^[3]

Агульныя
Кузаў	апорны, сталёвы, двухдзверны кабрыялет
Маса без нагрузкі, кг	700
Макс. дазволеная маса, кг	950
Габарыты: даўжыня × шырыня × вышыня, мм	3580 × 1520 × 1260
Колавая база, мм	2018
Каляіна: спераду / ззаду, мм	1246 / 1227
Радыус павароту: налева / направа, м	9,4 / 9,1
Змяшчальнасць паліўнага бака, л	35
Разгон да 100 км/г, с	16
Макс. хуткасць, км/г	152
Расход паліва, л/100 км	10
Рухавік
Тып	бензінавы, ротарна-поршневы
Аб’ём, см³	500
Магутнасць, к.с. пры аб/хв	50 к.с. пры 6000 аб/хв
Макс. круцільны момант	7,2 кгс·м пры 2500 аб/хв
Ступень сціску	1:8,6
Карбюратар	Solex  (англ.) 18/32 HHD
Батарэя	12 V 55 А·г
Трансмісія
Каробка перадач	чатырохступеньчатая, механічная
Перадатачныя лікі	I — 3,08, II — 1,77, III — 1,17, IV — 0,85
Галоўная перадача	4,43
Шасі
Пярэдняя падвеска	незалежная, на папярочных рычагах са спружынамі і стабілізатарам папярочнай устойлівасці
Задняя падвеска	незалежная, на падоўжных рычагах са спружынамі
Рулявое кіраванне	рэечнае
Тармазы	гідраўлічныя спераду: дыскавыя, ⌀ 227 мм ззаду: барабанныя, ⌀ 180 мм
Дыскі	3,50x12
Шыны	5,00R12

У спорце

У 1966 годзе Карл-Хайнц Пановіц стаў чэмпіёнам Германіі па ралі. У сезонах 1967 і 1968 гадоў Зігфрыд Шпіс станавіўся чэмпіёнам Германіі па ўз’ездзе на пагорак.

Зноскі

1. W. Oswald 1979, с. 348.
2. W. Oswald 1979, с. 461, 464.
3. W. Oswald 1979, с. 351.