Non plus ultra

Non plus ultra, таксама nec plus ultra^[1] (лац.: Не далей межаў; далей няма куды) — лацінскае выслоўе, якое стала ўстойлівым. Паводле легенды, было напісана на Геркулесавых слупах як перасцярога мараплаўцам, знак дасягнення імі мяжы свету.

Герб Мелільі

Пасля завяршэння рэканкісты і выхаду Іспаніі да Гібралтарскага праліва Фердынанд Арагонскі дадаў да іспанскага герба сімвалічную выяву Геркулесавых слупоў у выглядзе дзвюх калон карынфскага ордара, апавітых стужкай з надпісам «non plus ultra», якую яго ўнук Карл V змяніў на Plus Ultra (лац.: Яшчэ далей; далей межаў), апусціўшы адмоўную часціцу «non».

У зыходным выглядзе дэвіз прадстаўлены на гербе і сцягу Мелільі — аўтаномнага горада Іспаніі, аддзеленага ад асноўнай тэрыторыі краіны Гібралтарскім пралівам^[2].

Зноскі

1. Слоўнік лацінскіх выразаў
2. Escudo de Melilla (ісп.)