OpenBSD

OpenBSD — камп’ютарная аперацыйная сістэма класу Unix, паходзіць ад Дыстрыбуцыі Праграм Берклі (BSD), распрацаванай у Каліфарнійскім універсітэце, Берклі. лідар праекта, Тэа дэ Раадт, разам з групай прыхільнікаў адасобіліся ад NetBSD у канцы 1995. Праект славуты прыхільнасцю праграмістаў ідэалам адкрытага крынічнага коду і вельмі якаснай дакументацыяй, бескампраміснай пазіцыяй у дачыненні да ліцэнзіявання праграмнага забеспячэння, а таксама ўважлівасцю да пытанняў бяспекі і правільнасцю праграмнага коду. Сімвалам праекта з’яўляецца рыбка Пуфі.

OpenBSD
Распрацоўшчык	Праект OpenBSD
Сямейства АС	BSD UNIX
Заснавана на	NetBSD[1] і Berkeley Software Distribution[1]
Першы выпуск	18 кастрычніка 1995[2]
Апошняя версія	5.2 — 1 лістапада 2012 года[3]
Падтрымлівае платформы	DEC Alpha[d][4][5], IA-32[d][6][4], x86_64[d][7][4], MIPS[d][4], PowerPC[d][4][8][…], PA-RISC[d][4][9], SPARC64[d][4][10], ARMv7[d][11][12][…], AArch64[d][13][14], LUNA[d][15][16] і RISC-V[d][15][17]
Тып ядра	Маналітнае
Інтэрфейс	csh і pdksh; FVWM і CWM для X11
Ліцэнзія	Ліцэнзія ISC
Стан	Актуальны
Рэпазітар зыходнага коду	cvsweb.openbsd.org
Вэб-сайт	www.openbsd.org
Медыяфайлы на Вікісховішчы

Сімвал OpenBSD, рыбка Пуфі

OpenBSD уключае шэраг паляпшэнняў стандартнай сістэмы бяспекі Unix. Гэта звязана з рэдкай у сучасным свеце праграмавання традыцыяй аўдыту (вычытвання) коду з мэтай пошуку магчымых памылак і хібаў, шырока распаўсюджанай у супольнасці OpenBSD. Праект прытрымліваецца даволі жорсткіх патрабаванняў да ліцэнзій праграм, якія пастаўляюцца ў стандартным камплекце сістэмы. Ліцэнзіяй пераважнай большасці праграмнага коду сістэмы з’яўляецца ліцэнзія BSD. Шырока распаўсюджаная практыка перапісвання некаторых праграм з нуля, калі, на думку супольнасці, ліцэнзіі гэтых праграм недастаткова свабодныя.

Як і ў большасці аперацыйных сістэм BSD, ядро OpenBSD і збор сістэмных праграм, такіх як камандная абалонка альбо стандартныя праграмы ps і cat, распрацоўваюцца разам з іншымі прадстаўнікамі BSD-супольнасці. Дадатковае праграмнае забеспячэнне даступнае для ўстанаўлення як з папярэдне скампіляваных пакункаў, так і з крынічных кодаў праз сістэму партоў (ports collection).

Сёння аперацыйная сістэма OpenBSD афіцыйна выдаецца для 17 розных апаратных платформаў, сярод іх працэсары DEC Alpha, Intel i386, Hewlett-Packard PA-RISC, AMD AMD64 і Motorola 68000, камп’ютары Apple на базе PowerPC, працоўныя станцыі Sun SPARC і SPARC64, VAX, а таксама кішэнныя камп’ютары Sharp Zaurus.

Зноскі

1. The UNIX system family tree: Research and BSD Праверана 17 верасня 2016.
2. http://undeadly.org/cgi?action=article&sid=20061019013207
3. The OpenBSD 5.2 Release
4. OpenBSD Platforms Праверана 14 лістапада 2015.
5. OpenBSD/alpha Праверана 14 лістапада 2015.
6. OpenBSD/i386 Праверана 14 лістапада 2015.
7. OpenBSD/amd64 Праверана 14 лістапада 2015.
8. OpenBSD/macppc Праверана 21 красавіка 2022.
9. OpenBSD/hppa Праверана 14 лістапада 2015.
10. OpenBSD/sparc64 Праверана 14 лістапада 2015.
11. OpenBSD/armv7 Праверана 21 жніўня 2016.
12. OpenBSD Platforms Праверана 21 жніўня 2016.
13. OpenBSD platforms Праверана 3 кастрычніка 2019.
14. OpenBSD/arm64 Праверана 3 кастрычніка 2019.
15. OpenBSD Platforms Праверана 21 красавіка 2022.
16. OpenBSD/luna88k Праверана 21 красавіка 2022.
17. OpenBSD/riscv64 Праверана 21 красавіка 2022.