Палятухавыя

Палятухі, палятухавыя (Petauristinae ці Pteromyini) — трыба млекакормячых атрада грызуноў ў падсямействе Sciurinae. Часам вылучаеца ў асобнае падсямейства.

Палятухавыя
Палятуха паўночная (Glaucomys sabrinus)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Euarchontoglires Грандатрад:  Glires Атрад:  Грызуны Падатрад:  Вавёркападобныя Сямейства:  Вавёркавыя Падсямейства:  Sciurinae Трыба:  Палятухавыя
Міжнародная навуковая назва
Petauristinae Brandt, 1855
Сінонімы
Pteromyini
Сістэматыка на Віківідах Выявы на Вікісховішчы ITIS   930209 NCBI   337748 EOL   4467455 FW   357649

Вядомы з міяцэну (каля 20 млн г. назад).

13 родаў, 36 відаў. Пашыраны ў Еўропе, Азіі і Паўночнай Амерыцы. На Беларусі 1 від — палятуха звычайная.

Даўжыня да 60 см, хваста да 63 см, маса да 1,4 кг (у палятухі звычайнай адпаведна да 21 см, 14 см і 170 г). Поўсць густая, тонкая, шаравата-бураватая, хвост пушысты. Вочы вялікія. Здольныя да планіравання (адсюль назва) з дрэва на дрэва (на адлегласць да 60 м) з дапамогай пакрытых шэрсцю скурных складак па баках цела паміж пярэднімі і заднімі канечнасцямі. Могуць мяняць напрамак палету з дапамогай хваста.

Жывуць на дрэвах, гнёзды ў дуплах. Актыўныя на змярканні і ноччу. Кормяцца насеннем, парасгкамі, пупышкамі, ягадамі, грыбамі, часам насякомымі.

Нараджаюць да 4 дзіцянят.