Queen

Queen (з англ. — «Каралева», прамаўляецца «Кўін») — брытанскі рок-гурт, які дамогся найшырэйшай вядомасці ў 1970—1980-х гадах і які налічвае сотні мільёнаў прыхільнікаў па сённяшні дзень. У Лондане дзейнічае афіцыйны Міжнародны фан-клуб. Сярод знакамітых песень «Queen» такія класічныя рок-хіты як «Bohemian Rhapsody», «We Will Rock You», «We Are the Champions», «A Kind of Magic», «The Show Must Go On» і іншыя. Шырокую вядомасць атрымалі і відэакліпы, знятыя музыкантамі «Queen», прычым відэакліп на песню «Bohemian Rhapsody» лічыцца першым кліпам у гісторыі музыкі. Акрамя таго, «Queen» набылі славу адной з найвялікшых канцэртных каманд за ўсю гісторыю рока. У 1991 годзе лідар гурта Фрэдзі Меркуры памёр, з-за чаго гурт спыніў сваю дзейнасць. Але ў 2004 годзе два музыкі Queen Браян Мэй ды Роджэр Тэйлар аб’ядналіся і запрасілі вядомага амерыканскага спевака Пола Роджэрса выступіць у якасці франтмэна Queen. Разам яны правялі сусветнае турнэ. У 2008 годзе выйшаў новы студыйны альбом «The Cosmos Rocks».

Queen
Асноўная інфармацыя
Жанры	прагрэсіўны рок, глэм-рок[1], хард-рок, рок-музыка[2][3], арт-рок[4], поп-рок, хэві-метал[5] і метал
Гады	1970[6] — цяперашні час[7]
Краіна	Вялікабрытанія
Горад	Лондан
Адкуль	Лондан
Лэйблы	Elektra Records[d], Capitol Records, EMI Records[d], Hollywood Records[d], Parlophone, Island Records і EMI
Склад	Фрэдзі Меркуры Браян Мэй Роджэр Тэйлар[d] Джон Дзікан[d]
queenonline.com (англ.)
Медыяфайлы на Вікісховішчы

Склад гурта

• Фрэдзі Меркуры — спеў, піяніна
• Браян Мэй — гітара, спеў
• Роджэр Тэйлар — барабан, спеў
• Джон Дзікан — бас-гітара

Дыскаграфія

• Queen (1973)
• Queen II (1974)
• Sheer Heart Attack (1974)
• A Night at the Opera (1975)
• A Day at the Races (1976)
• News of the World (1977)
• Jazz (1978)
• The Game (1980)
• Flash Gordon (1980)
• Hot Space (1982)
• The Works (1984)
• A Kind of Magic (1986)
• The Miracle (1989)
• Innuendo (1991)
• Made in Heaven (1995)