RCA Studio II

У паняцця ёсць і іншыя значэнні, гл. RCA (значэнні).

«RCA Studio II» — гульнявая кансоль, распрацаваная кампаніяй RCA^[en] і выпушчаная ў студзені 1977 года. Графіка кансолі была чорна-белай і нагадвала графіку больш ранніх сістэм тыпу «Pong». Кансоль не мела джойсціка^[en] ці падобнага гульнявога кантролера^[en], замест гэтага ў корпус кансолі былі ўбудаваны дзве 10-кнопкавыя клавіятуры.

Вытворца	RCA Corporation[d]
Тып	home video game console[d] і гульнявая прыстаўка
Пакаленне	second generation of video game consoles[d]
Прададзена штук	64 000
ЦП	RCA 1802[d]
Медыяфайлы на Вікісховішчы

Сярод асаблівасцяў кансолі была наяўнасць пяці ўбудаваных гульняў і сілкаванне кансолі праз шнур для падлучэння да антэннага гнязда тэлевізара (сілкаванне і тэлевізійны сігнал падзяляліся ў асобнай прыладзе на канцы шнура). Такі спосаб падлучэння ўжываўся рэдка і пасля не сустракаўся да з’яўлення гульнявой кансолі «Atari 5200^[en]».

Кансоль не атрымала камерцыйнага поспеху. На момант выхаду яна ўжо была састарэлай у параўнанні з выпушчанай раней «Fairchild Channel F». Праз дзесяць месяцаў на рынак таксама выйшла яшчэ больш дасканалая кансоль «Atari 2600^[en]». Выпуск «RCA Studio II» быў спынены ў 1979 годзе.^[1]

Прылада і тэхнічныя характарыстыкі кансолі аналагічныя мікракамп’ютару^[en] COSMAC VIP^[en], выпушчанаму тым жа вытворцам у тым жа годзе.

Гл. таксама

• Гісторыя камп’ютарных гульняў