Red (песня Тэйлар Свіфт)

«Red» (бел. «Чырвоны») — пяты сінгл амерыканскай кантры-поп спявачкі Тэйлар Свіфт з яе чацвёртага аднайменнага альбома. Кампазіцыя была напісана самой спявачкай, а з прадзюсіраваннем ёй дапамагалі Дэн Хаф і Нэйтан Чапмэн. Першапачаткова трэк быў выпушчаны 2 кастрычніка 2012 года як прома-сінгл. Пазней лэйбл Big Machine прадставіў яго ў якасці пятага паўнавартаснага сінгла з альбома «Red»^[1].

Red
Сінгл Тэйлар Свіфт з альбома Red
Выпушчаны	6 верасня 2013
Мова	англійская
Фармат	CD-сінгл, лічбавая дыстрыбуцыя
Жанр	кантры
Працягласць	3:40
Лэйбл	Big Machine
Прадзюсар	Дэн Хаф, Нэйтан Чапмэн, Тэйлар Свіфт
Аўтар песні	Тэйлар Свіфт
Месцы ў чартах
US Billboard Hot 100 — 6 US Hot Country Songs — 2
Тэйлар Свіфт, храналогія сінглаў
«22» (2013) «Red» (2013) «Everything Has Changed» (2013)

Песня атрымала ў асноўным станоўчыя водгукі ад музычных крытыкаў і дасягнула 6 месца ў Billboard Hot 100. Сінгл таксама трапіў у чарты Аўстраліі, Канады, Ірландыі, Японіі, Новай Зеландыі і Вялікабрытаніі. Акрамя таго, «Red» атрымала некалькі музычных узнагарод і намінацый, у тым ліку СMT Music Awards.

Інфармацыя

Тэйлар Свіфт анансавала «Red» 1 кастрычніка 2012 года на тэлешоў Good Morning America^[2]. 7 кастрычніка ў жывым эфіры BBC Radio 1 на ўручэнні Teen Awards спявачка ўпершыню выканала кампазіцыю. Як патлумачыла Свіфт, назва і сэнс песні адлюстроўвае яе эмацыйны стан, тым самым ахопліваючы ўсю лірычную канцэпцыю альбома Red. Пазней, у інтэрв'ю часопісу Billboard, Свіфт таксама ўдакладніла, што падчас запісу альбома, менавіта «Red» стала пераломнай песняй^[3]. 6 лістапада 2013 года Тэйлар выконала «Red» на цырымоніі ўручэння Country Music Association Awards сумесна з Элісан Краўс, Эдгарам Мэерам, Эрыкам Даркенам, Сэмам Бушам і Вінсам Гілам. Менавіта гэтая версія песні стала даступная для лічбавай загрузкі і стала паўнавартасным пятым сінглам з аднайменнага альбома^[4].

Тэйлар Свіфт распявадае пра кампазіцыю:

Я напісала песню «Red» у сярэдзіне працы над альбомам, і яна паўплыла на тое, якім ён стаў. У ёй ідзе гаворка пра наяўнасць ў розных эмоцый свайго колеру — і раптам я ўсвядоміла, што большая частка эмоцый, якія я адчувала ў працэсе стварэння альбома, былі чырвонага колеру. Гэта былі моцныя эмоцыі: шчасце ці злосць. Яны з'яўляюцца крайнімі кропкамі спектру. Маё бачанне таго, у якім кірунку трэба рухацца з альбомам, моцна змянілася, таму што гэтая песня не падобная да таго, што я рабіла раней, і ў ёй мноства апісанняў — нешта ў ёй як быццам пашырыла маё бачанне альбома.

«Red» уяўляе сабой кантры-кампазіцыю з некаторымі музычнымі кампанентамі софт- і поп-року^[5]. Яна вынконваецца ў танальнасці мі мажор з тэмпам прыблізна ў 125 удараў у хвіліну. У сваю чаргу, вакал Свіфт у межах кампазіцыі знаходзіцца ў дыяпазоне ад F♯3 да C♯5^[6].

Кліп на «Red» упершыню быў прадстаўлены 3 ліпеня 2013 года. Рэжысёрам выступіў Кені Джэксан^[7]. Відэашэраг змантаваны з кадраў канцэртных выступленняў Тэйлар падчас тура Red Tour^[8]. Адпавядаючы тэксту песні, у кліпе пераважае чырвоны колер. Праца была намінавана на прэмію CMT Music Awards у катэгорыі «Відэа года», аднак узнагароду не атрымала.

Песня дэбютавала на шостым месцы ў чарце Billboard Hot 100 у ЗША і на першым месцы ў чарце Hot Digital Songs, які засноўваецца на продажах без уліку стрымінгу. Таксама ў Злучаных Штатах песня дэбютавала на другім месцы ў кантры-чарце Hot Country Songs. Сінгл таксама трапіў у чарты Аўстраліі, Канады, Ірландыі, Японіі, Новай Зеландыі і Вялікабрытаніі.

Патаемнае пасланне — «Стралец».

Версіі

• Лічбавая версія

1. «Red» — 3:43

• Версія выступлення на CMA Awards

1. «Red (2013 CMA Awards Performance)» — 3:51

Крытычныя водгукі

Кампазіцыя ў асноўным атрымала станоўчыя водгукі ад музычных экспертаў і аглядальнікаў. Taste of Country ацанілі «Red» у 4.5 зоркі з магчымых 5, назваўшы трэк лепшай песняй альбома^[9]. Рэдакцыя Rolling Stone вылучыла гучанне банджа і гітары, ахарактарызаваўшы кампазіцыю, як простую, але ў той жа час эфектную^[10]. У аглядах ад E! Online І Music City Post у песні былі адзначаны меладычнасць і пачуццёвая лірыка^[11][12]. Неадназначнае меркаванне выказаў часопіс Spin. Рэдакцыя палічыла, што Тэйлар узяла на сябе «непрыдатную для яе ролю глянцавага софт-рокера»^[13]. Падобны пункт гледжання выказалі і ў Entertainment Weekly. Там адзначылі, што трэку не хапае запалу і сэксуальнасці^[14].

«Red» атрымала некалькі музычных узнагарод і намінацый, у тым ліку СMT Music Awards.

Год	Прэмія	Намінацыя	Вынік	Спасылка
2014	CMT Music Awards	Жаночае відэа года	Намінацыя	[15]
		Відэа года	Намінацыя
	BMI Awards	Матэрыял года	Перамога	[16]
		Топ-50 песень	Перамога

Чарты

Штотыднёвыя чарты Чарт (2012-2013) Вышэйшая пазіцыя ARIA 30 Canadian Hot 100 5 Canada Country 17 IRMA 25 SNEP 103 Japan Hot 100 43 RIANZ 14 Official Charts Company 22 PROMUSICAE 46 UK Singles Chart 26 Billboard Hot 100 6 Hot Country Songs 2 Country Airplay 7

Выніковыя гадавыя чарты Чарт (2013) Вышэйшая пазіцыя Hot Country Songs 44 Country Airplay 43 Чарт (2014) Вышэйшая пазіцыя Country Airplay 99

Зноскі

1. ®R&R :: Going For Adds™ :: Country (нявызн.)(недаступная спасылка). Gfa.radioandrecords.com (24 чэрвеня 2013). Архівавана з першакрыніцы 15 кастрычніка 2013. Праверана July 27, 2013.
2. Taylor Swift’s ‘Red’ Nabs Countdown Campaign With iTunes & ‘Good Morning America’ (нявызн.)(недаступная спасылка). Архівавана з першакрыніцы 4 снежня 2015. Праверана 29 жніўня 2020.
3. Swift explains why Red was chosen as the album title (нявызн.) (15 снежня 2012).
4. Red (2013 CMA Awards Performance) - Single (нявызн.). iTunes Store. Apple Inc.. Праверана 12 December 2013.
5. CD review: Taylor Swift, 'Red' - Song Review (нявызн.).
6. 'Red' sheet music (нявызн.). MusicNotes.com. Праверана 31 August 2013.
7. Taylor Swift : Red (нявызн.)(недаступная спасылка). CMT. Viacom. Архівавана з першакрыніцы 11 ліпеня 2013. Праверана July 10, 2013.
8. July 3, 2013 8:54pm EDT by Christopher Rogers. [WATCH] Taylor Swift ‘Red’ Video — Watch Tay-Tay’s Full Official Music Vid (нявызн.)(недаступная спасылка). Hollywood Life (4 ліпеня 2013). Архівавана з першакрыніцы 19 чэрвеня 2018. Праверана July 27, 2013.
9. Dukes, Billy. Taylor Swift, ‘Red’ – Song Review (нявызн.). Taste of Country. Townsquare Media (11 чэрвеня 2013). Праверана July 27, 2013.
10. Taylor Swift Describes Color of Heartache on 'Red' (нявызн.)(недаступная спасылка). Rolling Stone (2 кастрычніка 2012). Архівавана з першакрыніцы 1 лютага 2018. Праверана October 2, 2012.
11. Macatee, Rebecca. Listen: Taylor Swift Debuts New Single "Red"; Donates Concert Tickets to Internet-Pranked School (нявызн.). E! Online (2 кастрычніка 2012). Праверана October 2, 2012.
12. Taylor Swift – Red (нявызн.)(недаступная спасылка). Music City Post (2 кастрычніка 2012). Архівавана з першакрыніцы 2 снежня 2013. Праверана October 2, 2012.
13. Hogan, Marc. Hear Taylor Swift's Maserati-Themed 'Red' Title Track (нявызн.). Spin (2 кастрычніка 2012). Праверана October 2, 2012.
14. Smith, Grady. Taylor Swift explains her personal rainbow of emotions on 'Red' (нявызн.)(недаступная спасылка). Entertainment Weekly. Time Inc. (2 кастрычніка 2012). Архівавана з першакрыніцы 12 лістапада 2014. Праверана October 2, 2012.
15. Miranda Lambert Leads 2014 CMT Music Awards Nominations (нявызн.). Nash Country Weekly. Архівавана з першакрыніцы November 29, 2014. Праверана January 25, 2015.
16. Vince Gill Recognized as BMI Icon at the 2014 BMI Country Awards (нявызн.). Broadcast Music, Inc. (4 лістапада 2014). Архівавана з першакрыніцы January 8, 2015. Праверана January 25, 2015.