Акадэмія асветы ўніверсітэта Вітаўта Вялікага

Акадэмія асветы ўніверсітэта Вітаўта Вялікага (літ.: Vytauto Didžiojo universiteto Švietimo akademija), да 2019 года Літоўскі ўніверсітэт адукацыйных навук (літ.: Lietuvos edukologijos universitetas), да 20 кастрычніка 2011 года Ві́ленскі педагагічны ўніверсітэт (літ.: Vilniaus pedagoginis universitetas) — вышэйшая навучальная ўстанова ў Вільні.

Акадэмія асветы ўніверсітэта Вітаўта Вялікага
Заснаваны	1935
Студэнты	12 500
Краіна	Літва[1]
Размяшчэнне	Вільня
Сайт	leu.lt
Медыяфайлы на Вікісховішчы

Гісторыя

Заснаваны ў 1935 годзе ў Клайпедзе як педагагічны інстытут. Падрыхтоўваў настаўнікаў пачатковых школ. У 1939 годзе знаходзіўся ў Панявежысе. Пасля перадачы Віленскага краю Літве інстытут пераведзены ў Вільню, дзе ў лістападзе 1939 годзе пачаў працу пад сучаснай назвай. Пасля Вялікай Айчыннай вайны універсітэт зноў пачаў працаваць як педагагічны інстытут.

У 1986 годзе інстытут складаўся з сямі факультэтаў (літоўскай мовы і літаратуры, рускай мовы і літаратуры, замежных моў, гісторыі і педагогікі, фізікі, матэматыкі, прыродазнаўчы і геаграфіі). З 1945 года дзейнічае завочнае аддзяленне, з 1966 года — вячэрняе. У 1980-х гадах інстытут налічываў 412 выкладчыкаў (у тым ліку 30 дактароў навук і прафесараў, 240 кандыдатаў навук і дацэнтаў), навучалася звыш 7 000 чалавек (з іх на дзённым аддзяленні — 4 000, на завочнам — 3 000). Інстытут рыхтаваў настаўнікаў па больш за 20-і спецыяльнасцяў. За 1944—1986 гады інстытут падрыхтаваў 28 000 настаўнікаў розных спецыяльнасцяў.

З 20 мая 1992 года па 19 кастрычніка 2011 года дзейнічаў як Віленскі педагагічны універсітэт.

Пастановай Сейма № XIII-1229 ад 05/06/2018 з 1 студзеня 2019 года Літоўскі ўніверсітэт адукацыйных навук (былы Педагагічны ўніверсітэт) спыніў сваё існаванне шляхам рэарганізацыі і быў выпісаны з Рэгістра юрыдычных асоб. Студэнты гэтай вышэйшай школы пасля яе рэарганізацыі працягнулі навучанне ва Універсітэце імя Вітаўта Вялікага.

Афіцыйныя назвы

• З 1935 года да лістапада 1939 года — Клайпедскі педагагічны інстытут
• З лістапада 1939 года да 1992 года — Віленскі (Ордэна Дружбы народаў) дзяржаўны педагагічны інстытут
• З 1992 года да 19 кастрычніка 2011 года — Віленскі педагагічны ўніверсітэт
• З 20 кастрычніка 2011 года — Літоўскі ўніверсітэт адукацыйных навук

Структура

Факультэты

• Фізікі і тэхналогіі
• Прыродазнаўчых навук
• Гісторыі
• Філалагічны (са студзеня 2009 года аб’яднаны з факультэтамі замежных моў і славістыкі)
• Літуаністыкі
• Матэматыкі і інфарматыкі
• Педагогікі і псіхалогіі
• Сацыяльных навук
• Спорту і здароўя
• Інстытут эдукалогіі культуры і мастацтва
• Інстытут сацыяльных камунікацый

Праўленне

Да 1962 года ўніверсітэт узначальваў дырэктар, з 1962 года — рэктар.

Рэктары

• Альгірдас Гайжуціс