Аляксандр Анатолевіч Масяйкоў

Аляксандр Анатолевіч Масяйкоў (26 ліпеня 1971, Магілёў, Беларуская ССР, СССР) — савецкі і беларускі канаіст, алімпійскі чэмпіён 1992 года па веславанні на каноэ-двойцы на дыстанцыі 500 м. Заслужаны майстар спорту СССР (1992).

Аляксандр Анатолевіч Масяйкоў
Пол	мужчынскі пол
Спецыялізацыя	веславанне на байдарках і каноэ
Нарадзіўся	26 ліпеня 1971(1971-07-26) (54 гады) Магілёў, Магілёўская вобласць, Беларуская ССР, СССР
Грамадзянства	Беларусь
Альма-матар	МДУ імя А. А. Куляшова
Рост	178 см
Узнагароды і медалі Летнія Алімпійскія гульні Золата Барселона 1992 Каноэ-двойка 500 м
Афіцыйны сайт

Біяграфія

Выпускнік Магілёўскага педагагічнага інстытута. Трохкратны чэмпіён свету: 1994 — веславанне на каноэ-двойцы на дыстанцыі 200 м, 1997 — на каноэ-двойцы і каноэ-чацвёрцы на дыстанцыі 200 м.

Чэмпіён СССР 1990, 1991 гг. Сярэбраны і бронзавы прызёр Спартакіяды народаў СССР 1991 г. на каноэ-двойцы на дыстанцыях 500 і 1000 м.

На Алімпійскіх гульнях 1992 года ў Барселоне 21-гадовы Масяйкоў і 20-гадовы Дзмітрый Даўгалёнак (трэнер — Сяргей Пастрэхін) прынеслі Аб’яднанай камандзе адзінае золата ў веславанні на байдарках і каноэ. Акрамя гэтага золата Аб’яднаная каманда выйграла толькі адзін сярэбраны медаль высілкамі канаіста Міхаіла Слівінскага.

Сярэбраны прызёр чэмпіянату Еўропы 1997 года на каноэ-адзіночцы.

Ганаровы грамадзянін горада Магілёва з 2001 года.

Дэпутат Магілёўскага абласнога Савета дэпутатаў 27-га і 28-га скліканняў^[1][2].

Палітычныя погляды

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў народных пратэстаў у 2020 годзе^[3][4].

Зноскі

1. Звесткі пра выбраных дэпутатаў Магілёўскага абласнога Савета дэпутатаў дваццаць сёмага склікання Архівавана 9 снежня 2017.
2. Звесткі пра выбраных дэпутатаў Магілёўскага абласнога Савета дэпутатаў дваццаць восьмага склікання Архівавана 14 чэрвеня 2018.
3. Стало известно, кто подписал открытое письмо спортсменов, выступающих за власть (руск.)(недаступная спасылка) (24 лістапада 2020). Архівавана з першакрыніцы 24 лістапада 2020. Праверана 24 лістапада 2020.
4. Подписи (нявызн.). Праверана 8 снежня 2020.