Аляксандр Мікалаевіч Пачко

Аляксандр Мікалаевіч Пачко (нар. 1975, в. Атвержычы, Столінскі раён, Брэсцкая вобласць) — беларускі дзяржаўны службовец, спецыяліст у галіне сельскай гаспадаркі.

Аляксандр Мікалаевіч Пачко
старшыня Лунінецкага раённага выканаўчага камітэта[d] 2015 — 2022
старшыня Кобрынскага раённага выканаўчага камітэта[d] 2022 — 2025
старшыня Столінскага раённага выканаўчага камітэта[d] з 2025
Нараджэнне	1975 Атвержычы, Столінскі гарсавет[d], Столінскі раён, Брэсцкая вобласць, Беларуская ССР, СССР
Адукацыя	Беларуская дзяржаўная сельскагаспадарчая акадэмія Акадэмія кіравання пры Прэзідэнце Рэспублікі Беларусь

У Вікіпедыі ёсць артыкулы пра іншых людзей з прозвішчам Пачко.

Біяграфія

Нарадзіўся ў 1975 годзе ў вёсцы Атвержычы Столінскага раёна Брэсцкай вобласці^[1]. Брат дзяржаўнага службоўца Сяргея Пачко^[2].

У 2005 годзе скончыў Беларускую дзяржаўную сельскагаспадарчую акадэмію, а пазней Акадэмію кіравання пры Прэзідэнце Рэспублікі Беларусь^[1].

Сваю працоўную дзейнасць пачаў загадчыкам аўтагаража саўгаса «Манькавіцкі» Столінскага раёна. Прайшоў шлях ад кіраўніка сельскагаспадарчых падраздзяленняў да першага намесніка старшыні райвыканкама і начальніка ўпраўлення сельскай гаспадаркі і харчавання^[1].

У 2015–2022 гадах узначальваў Лунінецкі райвыканкам, у маі 2022 года прызначаны старшынёй Кобрынскага райвыканкама. Быў членам рэдакцыйнай калегіі выдання «Кобрын»^[1].

17 красавіка 2025 года прызначаны старшынём Столінскага райвыканкама^[3][1].

Погляды

У часы старшынства Пачко ў чэрвені 2024 года ў Кобрыне перайменавалі вуліцу Каліноўскага ў гонар савецкага дзяржаўнага дзеяча Пятра Машэрава^[4].