Анатоль Іванавіч Яроцкі

У Вікіпедыі ёсць артыкулы пра іншых людзей з прозвішчам Яроцкі.

Анатоль Іванавіч Яроцкі (10 ліпеня 1915, в. Вакарына Табольскай губерні^[1], цяпер у Казанскім раёне Цюменскай вобласці Расіі — 1 верасня 2008^[2], паводле іншых не пацверджаных звестак 31 жніўня 2007) — беларускі ўрач-фізіёлаг. Доктар медыцынскіх навук (1952), кандыдат біялагічных навук (1949), прафесар (1956). Удзельнік савецка-фінскай і Вялікай Айчыннай войн.

Анатоль Іванавіч Яроцкі
Дата нараджэння	10 ліпеня 1915(1915-07-10)
Месца нараджэння	Вакарына[d], Чалюскінскае сельскае паселішча[d], Казанскі раён[d], Уральская вобласць[d], РСФСР
Дата смерці	1 верасня 2008(2008-09-01) (93 гады)
Месца працы	Гродзенскі дзяржаўны ўніверсітэт імя Янкі Купалы
Навуковая ступень	доктар медыцынскіх навук (1952) і кандыдат біялагічных навук (1949)
Навуковае званне	прафесар (1956)
Альма-матар	Дзяржаўны ордэна Леніна інстытут фізічнай культуры імя П. Ф. Лесгафта[d] (1937) Першы Ленінградскі медыцынскі інстытут імя І. П. Паўлава[d] (1942)

Біяграфія

У 1929 годзе скончыў сярэднюю школу ў Ішыме^[1]. Скончыў Дзяржаўны інстытут фізічнай культуры імя П. Ф. Лесгафта (1937), з 1937 года вучыўся ў Першым Ленінградскім медыцынскім інстытуце імя І. П. Паўлава, скончыў яго ў 1942 годзе. Падчас вучобы, у 1937—1938 гадах вёў профільную навуковую працу ў пагранічных войсках, а ў 1939 годзе мабілізаваны ў Чырвоную Армію, удзельнічаў у савецка-фінскай вайне як камандзір кулямётнага ўзвода, быў паранены пры прарыве лініі Манергейма^[1].

З 1942 года — ваенурач Ленінградскага фронту. Са студзеня 1943 да мая 1945 года ваяваў на Паўднёва-заходнім, 3-м Украінскім франтах. Потым да 1948 года служыў у Паўднёвай групе войск.^[1]

Працаваў у Гродзенскім дзяржаўным універсітэце імя Я. Купалы (1981—2005, факультэт фізічнай культуры, кафедра фізічнага выхавання і спорту, прафесар, у 1983—1994 — загадчык кафедры).

Навуковыя інтарэсы: праблема вестыбула-прапрыацэптыўнай аферэнтацыі; жыццезахаванне.

Бібліяграфія

• О регуляции вестибулярной реакции : диссертация … доктора медицинских наук / Анатолий Иванович Яроцкий. — Ленинград, 1951.
• О физиологических принципах тренировки вестибулярного аппарата : автореферат диссертации … кандидата биологических наук / Яроцкий А. И. — Ленинград, 1949.