Анатоль Фёдаравіч Кашкер

Анатоль Фёдаравіч Кашкер (15 снежня 1928, Прачыстае, Яраслаўская губерня, РСФСР — 20 сакавіка 1994) — беларускі акцёр тэатра і кіно. Заслужаны артыст Беларусі (1980).

Анатоль Фёдаравіч Кашкер
Дата нараджэння	15 снежня 1928(1928-12-15)
Месца нараджэння	Прачыстае, Расія
Дата смерці	20 сакавіка 1994(1994-03-20) (65 гадоў)
Месца пахавання	Паўночныя могілкі
Дзеці	Андрэй Анатольевіч Кашкер[d]
Адукацыя	Беларускі дзяржаўны тэатральны інстытут (1952)
Прафесія	акцёр
Тэатр	Самарскі тэатр юнага гледача[d] Нацыянальны акадэмічны драматычны тэатр імя Максіма Горкага Беларускі дзяржаўны акадэмічны тэатр юнага гледача Нацыянальны акадэмічны драматычны тэатр імя Максіма Горкага
Член у	БСТД
Узнагароды	Грамата Прэзідыума Вярхоўнага Савета БССР Грамата Міністэрства культуры БССР[d]

Біяграфія

Нарадзіўся ў 1928 годзе ў с. Прачыстае Яраслаўскай губерні РСФСР. Бацька працаваў чыноўнікам на чыгунцы, меў грэцкія карані^[1].

У 1942—1944 гадах працаваў токарам на Краснаглінскай чыгуначнай галіне ў Куйбышаве. У 1944—1947 гадах вучыўся ў сярэдняй школе № 64 г. Куйбышава. У 1947—1948 гадах — акцёр Тэатра юнага гледача (г. Куйбышаў). У 1948 годзе паступіў у Беларускі дзяржаўны тэатральна-мастацкі інстытут, які скончыў у 1952 годзе па спецыяльнасці «Артыст драмы»^[2].

У 1950—1955 гадах і з 1957 года да апошніх дзён жыцця — акцёр Дзяржаўнага рускага драматычнага тэатра імя М. Горкага. У 1955—1957 гадах працаваў акцёрам у Тэатры юнага гледача ў Мінску, дзе вялікім поспехам стала роля Сяргея Бружака ў спектаклі «Як гартавалася сталь» М. Астроўскага. З 1971 года выкладаў тэхніку маўлення ў Беларускім дзяржаўным тэатральна-мастацкім інстытуце^[2].

Член Беларускага саюза тэатральных дзеячаў з 1961 года.

Памёр у 1994 годзе. Пахаваны ў Мінску на Паўночных могілках.

Творчасць

Характарны акцёр, майстар эпізоду. Творчасць вызначалася лаканізмам, дакладнасцю ў адборы мастацкіх сродкаў. Сярод роляў: Важаватаў («Беспасажніца» А. Астроўскага), Адам («Маскарад» М. Лермантава), Сімяонаў-Пішчык («Вішнёвы сад» А. Чэхава), Драбязгін, Башкін («Варвары», «Ягор Булычоў і іншыя» М. Горкага), Санька («Два капітаны» В. Каверына), Іван Іванавіч («Лазня» У. Маякоўскага), Солнышкін і Даніла («Далёкая дарога» і «Домік на ўскраіне» А. Арбузава), Чарнявы («Энергічныя людзі» В. Шукшына), Фрэдзі («Пігмаліён» Б. Шоу), Хойтпляйн («Арно, прынц, фон Волькенштайн» Р. Штраля) і інш.

Выбраная фільмаграфія

• «Ля сіняй бухты» (1976).
• «Атланты і карыятыды» (1980).
• «Плач перапёлкі» (1990) — Хоня Сыркін.
• «Кешка і барада» (1993).

Сям’я

• Сын — Аляксей Анатольевіч Кашкер.
• Сын — Андрэй Анатольевіч Кашкер (нар. 1958) — беларускі і ізраільскі акцёр тэатра^[1].

Узнагароды

• Медаль «За доблесную працу ў Вялікай Айчыннай вайне 1941—1945 гг.»,
• юбілейны медаль «Трыццаць гадоў Перамогі ў Вялікай Айчыннай вайне 1941—1945 гг.»,
• медаль «Ветэран працы»,
• грамата Вярхоўнага Савета БССР,
• грамата Міністэрства культуры БССР,
• ганаровая грамата Міністэрства культуры БССР і Беларускага рэспубліканскага камітэта работнікаў культуры,
• Заслужаны артыст БССР (1980).