Андрэй Сяргеевіч Дзмітрыеў

Андрэй Сяргеевіч Дзмітрыеў (29 чэрвеня 1925, г. Ленінград, Расія — 13 красавіка 1989, Мінск) — беларускі фізіёлаг. Акадэмік Нацыянальнай акадэміі навук Беларусі (1974; чл.-кар. з 1972), доктар біялагічных навук (1970), прафесар (1971). Заслужаны дзеяч навукі БССР (1978). Удзельнік Вялікай Айчыннай вайны.

Андрэй Сяргеевіч Дзмітрыеў
Дата нараджэння	29 чэрвеня 1925(1925-06-29)
Месца нараджэння	Ленінград, РСФСР, СССР
Дата смерці	13 красавіка 1989(1989-04-13) (63 гады)
Месца смерці	Мінск, Беларуская ССР, СССР
Месца пахавання	Усходнія могілкі
Грамадзянства	СССР
Род дзейнасці	навуковец
Навуковая сфера	фізіялогія
Месца працы	Інстытут фізіялогіі НАНБ
Навуковая ступень	доктар біялагічных навук (1970)
Навуковае званне	прафесар (1971) акадэмік Акадэміі навук Беларускай ССР (1974)
Альма-матар	Беларускі дзяржаўны інстытут фізічнай культуры (1954)
Узнагароды

У Вікіпедыі ёсць артыкулы пра іншых людзей з прозвішчам Дзмітрыеў.

У Вікіпедыі ёсць артыкулы пра іншых людзей з прозвішчам Андрэй Дзмітрыеў.

Біяграфія

Скончыў Беларускі інстытут фізічнай культуры (1954).

З 1957 года вучоны сакратар Інстытута фізіялогіі АН БССР, з 1960 года намеснік дырэктара па навуковай рабоце гэтага інстытута і адначасова з 1970 года загадчык лабараторыі. З 1973 года галоўны вучоны сакратар Прэзідыума АН БССР, у 1978—1987 гадах віцэ-прэзідэнт АН БССР, з 1987 года член Прэзідыума АН БССР.

У 1980—1985 гадах дэпутат Вярхоўнага Савета БССР^[1].

Узнагароды

Узнагароджаны ордэнамі Працоўнага Чырвонага Сцяга (1976, 1985), «Знак Пашаны» (1967), Айчыннай вайны II ступені (1985), медалямі.

Навуковая дзейнасць

Навуковыя працы прысвечаны пытанням гравітацыйнай біялогіі — ролі лабірынтных і экстралабірынтных афферэнтных сістэм і іх узаемадзеяння ў механізме ўплыву гіпергравітацыі на псіхічныя, анімальныя і вегетатыўныя функцыі. Адкрыў ланцуговы кальцавы механізм рухальнай нейрагуморальнай рэакцыі кішачніка, у якім прамежкавым звяном з’яўляюцца рэфлекторныя і гумаральныя зрухі, якія ўзнікаюць у органах і тканінах пры гравітацыйных уздзеяннях.

Апублікаваў больш за 120 навуковых прац, у тым ліку манаграфію.

Бібліяграфія

• Лабиринтные и экстралабиринтные механизмы некоторых соматических и вегетативных реакций на ускорение. Мн.: Наука и техника, 1969.
• Особенности реакций нейронов вестибулярных ядер на афферентные сигналы лабиринтной и экстралабиринтной природы (совм. с Т. Ф. Михнюком, В. Г. Степанюгой) // Доклады АН БССР. 1976. Т.20, № 9.

Зноскі

1. ДЗМІТРЫЕЎ Андрэй Сяргеевіч