Арвідас Сабоніс

Арвідас Сабоніс (нар. 19 снежня 1964, Каўнас) — савецкі і літоўскі прафесійны баскетбаліст, алімпійскі чэмпіён 1988 года, чэмпіён свету і Еўропы ў складзе нацыянальнай зборнай СССР.

Арвідас Сабоніс
Агульная інфармацыя
Нарадзіўся	19 снежня 1964(1964-12-19)[1][2] (60 гадоў) Коўна, Ковенскае гарадское самакіраванне[d], Літоўская ССР, СССР
Грамадзянства	СССР  Літва[1][2]
Рост	220 см
Вага	127 кг[3]
Пазіцыя	цэнтравы
Клубная кар’ера[* 1]
1981—1989 Жальгірыс 1989—1992 Вальядалід[d] 1992—1995 Рэал Мадрыд 1995—2001 Портленд Трэйл Блэйзерс 2001—2002 Жальгірыс 2002—2003 Портленд Трэйл Блэйзерс 2003—2004 Жальгірыс
Колькасць гульняў і балаў за прафесійны клуб лічыцца толькі для розных ліг нацыянальных чэмпіянатаў.
Медыяфайлы на Вікісховішчы

20 жніўня 2010 года Арвідас Сабоніс быў уведзены ў Залу славы ФІБА ў знак прызнання яго таленту^[4].

Біяграфія

Нарадзіўся 19 снежня 1964 года ў Каўнасе. Пачаў займацца баскетболам ва ўзросце 9 гадоў у каўнаскай баскетбольнай школе. Першы трэнер — Юрый Фёдараў. У 1981 годзе ў складзе зборнай школьнікаў Літвы стаў чэмпіёнам школьнай алімпіяды і атрымаў прапанову ад галоўнага трэнера каўнаскага «Жальгірыса» Владаса Гарастаса перайсці ў яго клуб. У гэтым жа годзе ў складзе юнацкай зборнай СССР стаў чэмпіёнам Еўропы.

У 1981 годзе ў 16 гадоў дэбютаваў у дарослай камандзе «Жальгірыса» ў матчы супраць «Калева» і набраў першыя 14 ачкоў. Прывёў «Жальгірыс» да трох запар перамог у чэмпіянаце СССР, атрымаўшы званне «Гульца года» у Еўропе ў 1984 і 1985 гадах па версіі італьянскай газеты La Gazzetta dello Sport.

У гэтым жа сезоне атрымаў запрашэнне ў галоўную каманду краіны. Зборная СССР заваявала залатыя медалі чэмпіянату свету 1982 года, абыграўшы ў фінале зборную ЗША з лікам 95-94. У фінальным матчы, а таксама і ў іншых найважнейшых матчах турніру, галоўны трэнер Аляксандр Гомельскі ня задзейнічаў Сабоніса, спасылаючыся на адсутнасць досведу.

У 1984 году савецкі ўрад, у адказ на байкот Алімпійскіх гульняў у Маскве ў 1980 годзе, адмовіўся ад удзелу ў Алімпіядзе ў Лос-Анджэлесе, а ў 1985 годзе зборная СССР у нямецкім Штутгарце стала найлепшай у Еўропе. У фінале баскетбалісты СССР з буйным лікам абыгралі зборную ЧССР (120:89). Па выніках турніру Арвідас Сабоніс быў прызнаны найлепшым гульцом Еўропы.

У 1989 годзе Сабонісу дазволілі з’ехаць з СССР. Але замест таго, каб падпісаць кантракт з «Трэйл Блэйзерс», ён абраў іспанскую лігу, дзе правёў шэсць сезонаў. У 1995 годзе дэбютаваў у НБА ва ўзросце 31 года ў камандзе «Портленд Трэйл Блэйзерс». На працягу ўсіх сямі сезонаў праведзеных у НБА, Сабоніс штогод выходзіў са сваёй камандай у плэй-оф.

Свой апошні сезон 2003/2004 гадоў правёў у «Жальгірысе». Афіцыйна завяршыў прафесійную кар’еру ў 2005 годзе.

Зноскі

1. Arvydas-Romas Sabonis // FIBA database Праверана 5 чэрвеня 2025.

   <a href='https://wikidata.org/wiki/Track:Q130293317'></a>
2. ACB.com Праверана 10 ліпеня 2025.

   <a href='https://wikidata.org/wiki/Track:Q24763557'></a>
3. Basketball Reference Праверана 5 лютага 2017.

   <a href='https://wikidata.org/wiki/Track:Q22235911'></a>
4. FIBA hall of fame. Arvydas Sabonis (Lithuania)