Барыс Анатольевіч Бараўскі

Барыс Анатольевіч Бараўскі (1891, Маскоўская вобласць — 1952) — урач, тэрапеўт. Заслужаны ўрач БССР (1941).

Барыс Анатольевіч Бараўскі
Дата нараджэння	1891
Месца нараджэння	Маскоўская вобласць
Дата смерці	1952
Месца пахавання	Полацк
Грамадзянства	СССР
Род дзейнасці	урач, тэрапеўт, медыцынскі адміністратар
Альма-матар	МДУ медыцынскі факультэт Маскоўскага ўніверсітэта[d]
Узнагароды

У Вікіпедыі ёсць артыкулы пра іншых людзей з прозвішчам Бараўскі.

Біяграфія

Скончыў медыцынскі факультэт Маскоўскага ўніверсітэта. Удзельнічаў у Першай сусветнай вайне. У 1922 годзе разам з вайсковай часцю прыбыў у Полацк, дзе і застаўся працаваць. З таго ж года ўзначальваў тэрапеўтычнае аддзяленне полацкай гарадской бальніцы. Пасля Вялікай Айчыннай вайны вярнуўся на папярэдняе месца працы.

Яго артыкулы, у тым ліку і па гісторыі медыцыны, публікаваліся ў часопісах.

Памёр у 1952 годзе. Пахаваны ў Полацку.

Узнагароды

У ліку першых чатырох урачоў у 1941 годзе Б. Бараўскаму было прысвоена званне «Заслужаны ўрач БССР». Узнагароджаны двума ордэнамі Леніна, ордэнам Чырвонай Зоркі, ганаровымі граматамі і падзякамі^[1].

Зноскі

1. Барыс Анатольевіч Бараўскі (урач-тэрапеўт) (нявызн.)(недаступная спасылка). Архівавана з першакрыніцы 14 лістапада 2020. Праверана 9 лістапада 2020.