Будынак банка (Баранавічы)

Будынак банка — будынак у г. Баранавічы. Знаходзіцца на вул. Савецкая, 77. Пабудаваны з цэглы ў першай палове XX стагоддзя. У будынку размешчана аддзяленне Галоўнага ўпраўлення Нацыянальнага банка Рэспублікі Беларусь і баранавіцкі міжраённы аддзел Следчага камітэта Рэспублікі Беларусь.

Славутасць
Будынак банка
53°07′48″ пн. ш. 26°01′08″ у. д.HGЯO
Краіна	Беларусь
Горад	Баранавічы
Будаўніцтва	1927—1929 гады
Статус	Гісторыка-культурная каштоўнасць Беларусі, шыфр 113Г000045шыфр 113Г000045
Медыяфайлы на Вікісховішчы

Архітэктура

Сіметрычны, складанай канфігурацыі 3-павярховы будынак уключае цэнтральную частку (з мансардай з боку двара) і злучаныя з ёй 2 бакавыя крылы. Дах чарапічны, складанай канфігурацыі ў цэнтры і вальмавы ў тарцах.

У цэнтральнай частцы будынка размешчаны вестыбюль і аперацыйныя залы, у бакавых крылах — службовыя памяшканні. Пластыка фасадаў ствараецца рытмам буйных арачных і прамавугольных аконных праёмаў, абрамленых плоскімі ліштвамі. Галоўны фасад вылучаны рызалітам з пілястрамі іанічнага ордэра. У аздабленні інтэр’ера выкарыстаны медзь, латунь, мармур, граніт^[1].

Гістарычныя здымкі

• 
  Дваровы фасад будынка. 1920-1930-я гг.
• 
  Галоўны ўваход. 1920-1930-я гг.
• 
  Унутраныя дзверы. 1920-1930-я гг.
• 
  Галоўны фасад. 1936
• 
  Галоўны фасад пасля надбудовы будынка. 1941

Зноскі

1. Помнікi архітэктуры ў Баранавiчах Архівавана 24 сакавіка 2020.