Ваенная зона C

Ваенная зона Ц, Зона вайны Ц (англ.: War Zone C) або Раён ваенных дзеянняў «Ц» — амерыканская назва аднаго з раёнаў Паўднёвага В’етнама падчас вайны ў В’етнаме ў 1960—1970-я гады. Раён (зона) ваенных дзеянняў C, як і ваенная зона D, падвергнуўся самай вялікай апрацоўцы дэфаліянтамі ў перыяд вайны^[1].

Схема III корпуснай тактычнай зоны УС ЗША, куды ўваходзіць і зона вайны Ц падчас амерыканскай інтэрвенцыі ў В’етнаме 1965—1967 гадоў.

Тэрыторыя Паўднёвага В’етнама з 1962 года была падзелена на чатыры ваенныя зоны^[2], якія размяшчаліся з поўначы на поўдзень, і называліся:

• Тактычная зона I корпуса;
• Тактычная зона II корпуса;
• Тактычная зона III корпуса;
• Тактычная зона IV корпуса^[3].

Ваенная зона C размяшчалася на паўночны захад ад горада Сайгон і займала ўсю паўночную частку правінцыі Тэйнінь ля мяжы з Камбоджай і знаходзілася ў тактычнай зоне III корпуса. Гэтая было адным з месцаў, дзе «сцежка Ха Шы Міна» заходзіла на тэрыторыю Паўднёвага В’етнама. Назва з’явілася яшчэ ў перыяд каланіяльнай вайны Францыі (Індакітайскай вайна), і яе паходжанне невядома. У ваеннай зоне Ц у асноўным дзейнічалі амерыканскія 1-я і 25-я пяхотныя дывізіі. Тут былі праведзены некалькі значных ваенных аперацый, у прыватнасці, аперацыі «Attleboro» і «Junction City» (адны з найбуйнейшых падчас інтэрвенцыі), а таксама мноства больш дробных.

Зноскі

1. Что такое Agent Orange или экологическая война против Вьетнама. Архівавана 19 лістапада 2016.
2. Толковый военно-морской словарь, 2010 года.
3. Джек Бич (Jack Beach) «Учитесь целовать лягушек!» и другие рецепты лидерства IBM.