Васіль Іванавіч Саламярэцкі

Васіль Іванавіч Саламярэцкі (? — да 8.9.1540) — вялікалітоўскі дзяржаўны дзеяч.

Васіль Іванавіч Саламярэцкі
староста магілёўскі[d] 21 лютага 1520 — 1540
Папярэднік	Ян Шчыт-Неміровіч[d]
Пераемнік	Фёдар Бака[d]
Нараджэнне	1490
Смерць	1540[1][2]
Месца пахавання	Саламарэчча[1]
Род	Саламярэцкія[3]
Бацька	Іван Саламярэцкі[d][4][5]
Маці	Саламярэцкага Аляксандраўна з Чартарыйскіх[d][4][6]
Жонка	Ганна Іванаўна Уладыка[d][1][7]
Дзеці	Іван Васілевіч Саламярэцкі[8][9], Андрэй Васілевіч Саламярэцкі[d][8][9], Багдан Васілевіч Саламярэцкі[8][10], Уладзімір Васілевіч Саламярэцкі[d][8][9], Фёдар Васілевіч Саламярэцкі[8][9], Юрый Васілевіч Саламярэцкі[d][8][9], Алена Васілеўна Саламярэцкая[d][8][2], Ганна з Саламярэцкіх[d][8][2], Марына Васілеўна Саламярэцкая[d][8][2] і Барбара Васілеўна Саламярэцкая[d][8][2]

Біяграфія

Васіль Іванавіч — першы гістарычна вядомы князь Саламярэцкі^{[заўв 1]}. Пра яго бацькоў дакладна вядома толькі тое, што маці была дачкой Аляксандра Васілевіча Чартарыйскага.

Вядомы з 1510 года, калі атрымаў з гаспадарскага скарбу 20 коп грошаў і 14 локцяў аксаміту. Дзяржаўца кернаўскі ў 1512, магілёўскі з 1520 года (пацверджана ў 1522). У 1528 годзе выстаўляў у войска ВКЛ 15 коннікаў.

Заснаваў мужчынскі манастыр у Саламярэччы.

Меў маёнткі: Саламярэчча (Старое Саламярэчча), Саламярэцкі Гарадок (Сёмкаўскі Гарадок), Плешчанічы, Будынічы, Прылепы (Менскі павет); Домжарычы (Аршанскі павет); Асташын (з 1525, Новагародскі павет).

У шлюбе з Ганнай Іванаўнай з Уладыкаў (пам. 1560) нарадзіліся сыны Уладзімір, Фёдар, Іван, Андрэй, Багдан, дочкі Алена, Марына, Барбара, Ганна.

Заўвагі

1. Юзаф Вольф дае Васілю Іванавічу бацьку Івана Васілевіча і брата Багдана Іванавіча^[11]. Наталля Сліж удакладняе, што Іван Васілевіч у 1501 годзе абараняў Мсціслаў ад маскоўскіх войскаў^[12]. Аднак Кшыштаф Пяткевіч паказаў, што Іван Васілевіч і Багдан Іванавіч не фіксуюцца гістарычнымі крыніцамі — Іван Васілевіч апісаны толькі даўнімі польскімі генеолагамі, а Багдан Іванавіч вядомы з фальсіфікаванага дакумента князя Канстанціна Астрожскага. Паводле Пяткевіча, правобразамі Івана Васілевіча і Багдана Іванавіча Саламярэцкіх былі іх пазнейшыя рэальныя цёзкі — мсціслаўскі староста Іван Васілевіч і яго сын крычаўскі староста Багдан Іванавіч^[13].