Верхнядзвінскі льнозавод

Верхнядзвінскі льнозавод^[1] — прадпрыемства ў горадзе Верхнядзвінску, Віцебскай вобласці. З’яўляецца найстарэйшым прадпрыемствам сярод іншых льнозаводаў Рэспублікі Беларусь.

ААТ «Верхнядзвінскі льнозавод»
Тып	Адкрытае акцыянернае таварыства
Заснаванне	1929
Краіна	Беларусь
Размяшчэнне	Віцебская вобласць, Верхнядзвінскі раён, горад Верхнядзвінск, вуліца Дзвінская, д. 1.
Адрас	Верхнядзвінск
Галіна	Лёгкая прамысловасць
Сайт	vdvinsklen.vitebsk.by

Апісанне

Заснаваны ў кастрычніку 1929 года i займаецца пасевам і вырошчваннем лёну, выпрацоўкай і рэалізацыяй доўгага і кароткага льновалакна, выпрацоўкай паліўных брыкетаў з льняной кастры (экалагічна чыстае паліва), аказвае сельгаспаслугі гаспадаркам раёна.

Прадпрыемства размешчана ў межах горада Верхнядзвінска ў раёне вёсцы Смулькава. Тэрыторыя прадпрыемства займае 24 га. Вытворчыя магутнасці па вытворчасці льновалакна складаюць 962 тоны ў год. Сыравіннай базай прадпрыемства з’яўляецца тэрыторыя гаспадарак Верхнядзвінскага раёна — 1100 га. Льнозавод мае ўласны механізаваны атрад для вырошчвання лёну і аказання паслуг гаспадаркам па выкананні розных сельгаспаслуг^[2].

Дырэктары

• Дзмітрый Васільевіч Неспляк

Зноскі

1. Лён 2009, с. 28.
2. Верхнядзвінскі льнозавод, ААТ. Верхнядзвінскі раён