Вялікая расійская энцыклапедыя

«Вялікая расійская энцыклапедыя» (скар. ВРЭ) — расійская ўніверсальная энцыклапедыя на рускай мове.

Вялікая расійская энцыклапедыя
Мова арыгінала	руская
Выдавец	Вялікая расійская энцыклапедыя[d]
Месца публікацыі	Масква
Папярэдняя	Вялікая савецкая энцыклапедыя
Электронная версія (руск.) Электронная версія (руск.)

Выданне складаецца з 35 нумараваных тамоў і тома «Расія», і змяшчае больш за 80 тысяч артыкулаў. Энцыклапедыя выдавалася ў 2004—2017 гадах навуковым выдавецтвам «Большая российская энциклопедия». З 1 красавіка 2016 года па 2024 год існавала электронная версія энцыклапедыі, выпуск якой ажыццяўляўся пры падтрымцы Міністэрства культуры Расійскай Федэрацыі.

5 верасня 2018 года 35-томнае выданне «Вялікай расійскай энцыклапедыі» было ўдастоена гран-пры XX Нацыянальнага конкурсу «Кніга года»^[1].