Вячаслаў Аляксандравіч Малафееў

У Вікіпедыі ёсць артыкулы пра іншых людзей з прозвішчам Малафееў.

Вячасла́ў Алякса́ндравіч Малафе́еў (руск.: Вячеслав Александрович Малафеев; нар. 4 сакавіка 1979, Ленінград) — расійскі футбаліст, брамнік. На працягу ўсёй кар’еры выступаў за пецярбургскі «Зеніт». Заслужаны майстар спорту Расіі (2008). З 2003 по 2012 год ігрок зборнай Расіі. У канцы футбольнай кар’еры заняўся бізнесам, уладальнік агенцтва нерухомасці.

Вячаслаў Малафееў
Агульная інфармацыя
Поўнае імя	Вячаслаў Аляксандравіч Малафееў
Нарадзіўся	4 сакавіка 1979(1979-03-04)[1][2][…] (46 гадоў) Ленінград, РСФСР, СССР
Грамадзянства	Расія
Рост	185 см
Вага	76 кг
Пазіцыя	брамнік
Інфармацыя пра клуб
Клуб	Зеніт (СПб)
Нумар	16
Пасада	намеснік спарт. дырэктара по агульных пытаннях
Маладзёжныя клубы
1985—1997 Змена (СПб)
Клубная кар’ера[* 1]
1997—2016 Зеніт (СПб) 328 (–311) 1997—2000 →  Зеніт-2 54 (–32)
Нацыянальная зборная[* 2]
1999 Расія (мал.) 1 (0) 2003—2012 Расія 29 (–24)
Узнагароды і медалі
Чэмпіянаты Еўропы Бронза Аўстрыя/Швейцарыя 2008 Дзяржаўныя ўнагароды
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах
Медыяфайлы на Вікісховішчы

Кар’ера

Клубная

Малафееў дэбютаваў у матчы супраць ўладзікаўказскай «Аланіі», пасля таго, як Раман Беразоўскі быў выдалены за абразу ў адрас суддзі. Аднак скарыстацца шанцам стаць першым нумарам Малафееў не здолеў. Тым не менш, менавіта з гэтага часу Вячаслава сталі выклікаць у алімпійскую зборную Расіі, за якую ён упершыню згуляў супраць Арменіі 4 верасня 1999 года.

У 2003 годзе Малафееў разам з «Зенітам» заняў другое месца ў чэмпіянаце, атрымаўшы прыз «Варатар года» імя Льва Яшына і трапіў у спіс 33 найлепшых футбалістаў чэмпіянату Расіі. Два раўнацэнныя варатары «Зеніта», Каміл Чантафальскі і Малафееў, стала змагаліся за месца ў асноўным складзе. У 2005 годзе, зарабіўшы выдаленне ў кубкавым матчы супраць ЦСКА, Вячаслаў надоўга стаў другім варатаром. У сваю чаргу, у пачатку 2006 года Чантафальскі быў выдалены ў матчы Кубка УЕФА супраць «Русенборга», і Малафееў у выніку згуляў у тым годзе 36 гульняў, прапусціўшы ў іх 30 мячоў і зноў трапіўшы ў спіс 33 найлепшых футбалістаў чэмпіянату.

У наступным годзе ў каманды не было ярка выяўленага першага нумару. Малафееў згуляў 24 гульні, прапусціў 27 мячоў, заваяваў залатыя медалі чэмпіянату і стаў «варатаром года»^[3].

Міжнародная

З 2000 году Вячаслаў прыцягваўся да збораў нацыянальнай зборнай Расіі. У лістападзе 2003 года Вячаслаў згуляў свой першы матч за зборную Расіі, калі Расія праводзіла другую стыкавую гульню супраць зборнай Уэльса.

Дасягненні

Клубныя

Зеніт

• Чэмпіён Расіі (3): 2007, 2010, 2012
• Уладальнік Кубка Расіі (2): 1999, 2010
• Уладальнік Кубка расійскай Прэм’ер-лігі: 2003
• Уладальнік Суперкубка Расіі (2): 2008, 2011
• Уладальнік Кубка УЕФА: 2008
• Уладальнік Суперкубка УЕФА: 2008

Міжнародныя

Расія

• Бронзавы прызёр чэмпіянату Еўропы: 2008

Асабістае жыццё

Вячаслаў з’яўляецца ўдаўцом, яго жонка Марына Малафеева, прадпрымальнік, загінула ў аўтамабільнай аварыі 17 сакавіка 2011 года. Разам з Марынай у Вячаслава маюцца двое дзяцей — дачка Ксенія (2003) і сын Максім (2006).