Вільям Квіст

Ві́льям Квіст Ёргенсен (дацк.: William Kvist Jørgensen; нар. 24 лютага 1985, Рэндэ, Данія) — дацкі футбаліст, які выступаў за нацыянальную зборную Даніі на пазіцыі абаронцы.

Вільям Квіст
Агульная інфармацыя
Нарадзіўся	24 лютага 1985(1985-02-24)[1][2][…] (40 гадоў) Рэндэ[d], Рэндэ[d], Орхус[d], Данія, Каралеўства Данія
Грамадзянства	Данія
Рост	184 см
Вага	80 кг
Пазіцыя	паўабаронца
Клубная кар’ера[* 1]
2005—2011 Капенгаген 181 (8) 2011—2014 Штутгарт 68 (0) 2014—2015 Уіган Атлетык 26 (0) 2014 →  Фулхэм 8 (0) 2015—2019 Капенгаген 104 (2)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Ёргенсен.

Кар’ера

Клубная

Займацца футболам Вільям Квіст пачаў у дзіцячай камандзе клуба «Торсагер Рэндэ» са свайго роднага горада. У сезоне 2004—2005 гадоў Вільям дэбютаваў у чэмпіянаце Даніі ў складзе клуба «Капенгаген», 23 красавіка 2005 года па ходзе матчу з камандай «Норшэлан» замяніўшы траўмаванага Оле Тобіясена. Першыя сезоны ў клубе Вільям Квіст правёў, у асноўным выходзячы на замену. Стабільнае месца ў асноўным складзе футбаліст атрымаў у 2007 годзе, калі з каманды сышоў асноўны правы абаронца Ларс Якабсен. 16 чэрвеня 2011 года было абвешчана, што ігрок дацкага «Капенгагена» Вільям Квіст перайшоў у нямецкі «Штутгарт»^[3]. Падчас свайго другога сезона ў нямецкім клубе Квіст стаў менш выходзіць на пляцоўку, таму ў міжсезонны час 2013 года вёў перамовы з мадрыдскім «Атлетыка», якія аднак скончылся без поспеху.

30 студзеня 2014 года Квіст далучыўся да складу «Фулхэма» на правах арэнды да канца сезона 2013—2014 гадоў з магчымасцю падпісаць з ім кантракт на сталай аснове ў летні час^[4]. Праз два дні пасля гэтага ён дэбютаваў у матчы супраць «Саўтгемптана», які новы клуб іграка скончыла паражэннем з лікам 0:3^[5]. 1 верасня 2014 года Квіст перайшоў на правах вольнага агента ў клуб «Уіган Атлетык», з якім падпісаў аднагадовы кантракт^[6].

Нацыянальная

22 жніўня 2007 года футбаліст правёў свой першы матч за галоўную зборную краіны, дэбют прыйшоўся на таварыскі матч супраць зборнай Ірландыі.

Дасягненні

«Капенгаген»:

• Чэмпіён Даніі: 2006, 2007, 2009, 2010, 2011, 2016, 2017, 2019
• Уладальнік Кубка Даніі: 2009, 2016, 2017