Віцебскжылпраект

«Віцебскжылпраект» (руск.: Витебскжилпроект) — праектная арганізацыя ў Віцебску, якая спецыялізуецца на праектаванні, рэканструкцыі і капітальным рамонце жыллёва-грамадзянскіх, прамысловых і сельскагаспадарчых аб’ектаў^[1]. Размяшчалася па адрасе вуліца Праўды, 38^[2].

«Віцебскжылпраект»
Тып	унітарнае прадпрыемства
Заснаванне	1968
Краіна	Беларусь
Размяшчэнне	Віцебск
Галіна	архітэктурнае праектаванне, горадабудаўніцтва
Прадукцыя	праектна-каштарысная дакументацыя
Сайт	vjp.by

Гісторыя

Прадпрыемства вядзе сваю гісторыю з 1968 года, калі на базе праектна-каштарыснай канторы пры Віцебскім аблвыканкаме былі створаны абласныя праектна-канструктарскія майстэрні (АПКМ) інстытута «Белрамбудпраект» паводле пастановы Савета Міністраў БССР № 377 ад 13 лістапада 1967 года^[1].

У 1969 годзе, згодна з пастановай Савета Міністраў БССР № 299, інстытут «Белрамбудпраект» быў ператвораны ў «Белкамунпраект», а віцебскія АПКМ перададзены ў яго распараджэнне^[1].

З 1 студзеня 1974 года майстэрні былі падпарадкаваныя інстытуту «Белжылпраект». Паводле распараджэння Савета Міністраў БССР № 1026р ад 27 снежня 1978 года з 1 ліпеня 1979 года віцебскія АПКМ рэарганізаваныя ў філіял інстытута «Белжылпраект»^[1].

На базе гэтага філіяла з 1 студзеня 1989 года быў створаны інстытут «Віцебскжылпраект». Рашэннем Віцебскага аблвыканкама № 411 ад 13 верасня 1996 года ён зарэгістраваны як Віцебскі інстытут па праектаванні будаўніцтва, капітальнага рамонту, рэканструкцыі жыллёва-грамадзянскіх, прамысловых і сельскагаспадарчых аб’ектаў^[1].

У адпаведнасці з Дэкрэтам Прэзідэнта Рэспублікі Беларусь № 22 ад 16 лістапада 2000 года інстытут быў перайменаваны ў Віцебскае абласное камунальнае ўнітарнае прадпрыемства «Віцебскжылпраект». Стварэнне прадпрыемства было выклікана неабходнасцю мець спецыялізаваную праектную арганізацыю для працы з аб’ектамі капітальнага рамонту і рэканструкцыі існуючага жыллёвага фонду^[1].