Жонас Гансалвіс Алівейра

Жо́нас Брако́лі Ганса́лвіс Аліве́йра^[3] (парт.: Jonas Brocolli Gonçalves Oliveira; нар. 1 красавіка 1984, Бебедору, штат Сан-Паўлу, Бразілія) — бразільскі футбаліст, нападнік. Ігрок нацыянальнай зборнай Бразіліі (2011—2016).

Жонас
Агульная інфармацыя
Поўнае імя	Жонас Гансалвіс Алівейра
Мянушкі	Mestre Jonas, Shownas, Golnas, Jonas Minhoca
Нарадзіўся	1 красавіка 1984(1984-04-01)[1][2] (41 год) Бебедору[d], штат Сан-Паўлу, Бразілія
Грамадзянства	Бразілія
Рост	181 см
Вага	75 кг
Пазіцыя	нападнік
Маладзёжныя клубы
2003—2004 Гуарані (Кампінас)
Клубная кар’ера[* 1]
2005 Гуарані (Кампінас) 25 (12) 2006—2007 Сантус 20 (12) 2007—2010 Грэміу 146 (75) 2008 →  Партугеза Дэспортус 28 (10) 2011—2014 Валенсія 113 (36) 2014—2019 Бенфіка 132 (110)
Нацыянальная зборная[* 2]
2011—2016 Бразілія 12 (3)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 ліпеня 2019. Колькасць гульняў і галоў за нацыянальную зборную ў афіцыйных матчах, адкарэктавана станам на 4 верасня 2018
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Гансалвіс.

Кар’ера

Выступы ў Бразіліі

Жонас пачаў прафесійную кар’еру ва ўзросце 20 гадоў у клубе «Гуарані», чыім выхаванцам ён з’яўляўся, у 2005 годзе. На той момант ён з’яўляўся студэнтам і вучыўся на фармаколага.

2 студзеня 2006 года Жонас перайшоў у «Сантус» у якасці рэзервовага іграка на маючы адбыцца сезон. У пяці гульнях Лігі Паўлісты ён здолеў вызначыцца чатырма забітымі галамі і ў выніку стаў пераможцам чэмпіянату штата, аднак у канцы сезона Жонас атрымаў траўму, у выніку якой быў вымушаны прапусціць палову сезона.

12 верасня 2007 года Жонас падпісаў кантракт з «Грэміу». Ужо праз 4 дні ён дэбютаваў за «трохкаляровых» у Грэ-Нал, выйшаўшы на замену замеcт Лусіяну Фансекі. Да канца года Жонас стаў цвёрдым іграком асновы клуба. Чэмпіянат Бразіліі 2009 скончыўся для Жонаса амаль за 2 месяцы да яго афіцыйнага заканчэння, гэта значыць 10 кастрычніка ён падвярнуў ногу ў гульні супраць «Карынтыянса» і з моцным болем быў вымушаны пакінуць поле. Нягледзячы на гэта, Жонас з 24 галамі стаў лепшым бамбардзірам клуба ў сезоне (з улікам галоў ва ўсіх турнірах). Сезон 2010 стаў лепшым у кар’еры футбаліста. Ён, нарэшце, прывёў свой клуб да перамогі ў Лізе Гаушу, стаўшы найлепшым бамбардзірам турніру.

«Валенсія»

24 студзеня 2011 года перайшоў у «Валенсію» за 1,25 мільён еўра^[4]. У матчы супраць леверкузенскага «Баера» забіў гол на 10,5 секундзе першага тайма, тым самым заняўшы другое месца ў спісе самых хуткіх галеадораў Лігі чэмпіёнаў пасля Роя Макая.

«Бенфіка»

У верасні 2014 года, пакінуўшы «Валенсію», падпісаў кантракт з «Бенфікай». У ліпені 2019 года абвясціў аб завяршэнні кар’еры.

Міжнародная кар’ера

З 2001 года час ад часу Жонас атрымлівае запрашэнне ў склад зборнай Бразіліі.

Дасягненні

«Сантус»:

• Пераможца Лігі Паўлісты: 2006, 2007

«Грэміу»:

• Пераможца Лігі Гаўшу: 2010

«Бенфіка»:

• Чэмпіён Партугаліі (4): 2015, 2016, 2017, 2019
• Уладальнік Кубка Партугаліі: 2017
• Уладальнік Кубка лігі (2): 2015, 2016
• Уладальнік Суперкубка Партугаліі (2): 2016, 2017