Жыдча (вадасховішча)

Жы́дча^[1][2][3], Жыдчэ^[4] — вадасховішча ў Пінскім раёне Брэсцкай вобласці Беларусі, каля аграгарадка Жыдча.

Жыдча
Каардынаты: 51°56′36″ пн. ш. 25°56′35″ у. д.HGЯO
Размяшчэнне	Беларусь, Брэсцкая вобласць, Пінскі раён
Даўжыня	3,2 км
Шырыня	2,8 км
Плошча	1,166 км²
Аб'ём	0,0046 км³
Даўжыня берагавой лініі	4,186 км
Найбольшая глыбіня	9 м
Сярэдняя глыбіня	4,1 м
Год напаўнення	1981
Жыдча
Жыдча

У паняцця ёсць і іншыя значэнні, гл. Жыдча (значэнні).

Вадасховішча наліўное. Створана ў 1981 годзе ў пойме ракі Прыпяць на месцы выпрацаванага радовішча торфу. Плошча паверхні вадасховішча 1,166^[4] (1,2^[1][3]) км². Даўжыня 3,2 км, найбольшая шырыня 2,8 км^[5]. Даўжыня агараджальнай дамбы 4186^[4] м. Глыбіня да 9 м, сярэдняя 4,1^[5][3] м. Напаўняецца вадой па канале з ракі Прыпяць з дапамогай помпавых станцый.

Вадасховішча выкарыстоўваецца ў мэтах назапашвання веснавога сцёку з сеткі меліярацыйных каналаў, арашэння сельскагаспадарчых зямель, рыбагадоўлі і адпачынку.