Калыванскае возера

Калыванскае возера (Калыванскае, Савушкіна) — праточнае прэснае возера на мяжы Перадалтайскай раўніны і падножжа паўночнага схілу Калыванскага хрыбта ў Змяінагорскім раёне Алтайскага края Расіі. Найбліжэйшы населены пункт — сяло Савушка.

Калыванскае возера
Морфаметрыя
Вышыня над узроўнем мора	337 м
Даўжыня	4 км
Шырыня	2 км
Плошча	4,2 км²
Найбольшая глыбіня	28 м
Басейн
Плошча вадазбору	55,8 км²
Размяшчэнне
Краіна	Расія[1]
Калыванскае возера
Ідэнтыфікатары
ДВР	13010200311115100000479
Медыяфайлы на Вікісховішчы

Возера размяшчаецца на вышыні 336 м над узроўнем мора, плошча воднай паверхні — 4,2 км², даўжыня — 4 км, сярэдняя шырыня — 1 км, максімальная — 2,4 км, сярэдняя глыбіня — 3 м, найбольшая — 28 м, плошча вадазборнага басейна — 55,8 км².

Возера мае складаную форму, выцягнута ў напрамку поўдзень — поўнач. Агульная даўжыня берагавой лініі 11,5 км. З усходняга боку ўпадае Калыванка, з заходняга — ручай Паштовы, на поўначы выцякае рака Усць-Калыванка. Берагі спадзістыя, нізкія, месцамі зараслі хмызняком. Мудрагелістыя формы выветрывання берагавых скал. Дно глейкае, магутнасць глею да 1,5 м.