Калыска чалавецтва

Калыска чалавецтва (англ.: Cradle of Humankind) — помнік Сусветнай спадчыны (уключаны ў спіс ЮНЕСКА ў 1999 г.). Знаходзіцца прыкладна ў 50 км на паўночны захад ад Яганэсбургу, у правінцыі Гаўтэнг, ПАР. Плошча помніка складае 474 км². Тут знаходзіцца комплекс вапняковых пячор, у тым ліку група пячор Стэркфантэйн, дзе ў 1947 годзе Роберт Брум і Джон Робінсан выявілі выкапневыя рэшткі Australopithecus africanus узростам 2,3 млн гадоў, і пячора Узыходзячая зорка, дзе знойдзены від Homo naledi, а таксама — Пячора цудаў, Малапа, Сварткранс і Кромдрай.

Калыска чалавецтва: месцы знаходак чалавечых скамянеласцяў - Стэркфантэйн, Сварткранс, Кромдрай і наваколлі*
Fossil hominid sites of Sterkfontein, Swartkrans, Kromdraai, and Environs**
Сусветная спадчына ЮНЕСКА
Цэнтр прыёма наведвальнікаў у Марапенге
Краіна	Паўднёва-Афрыканская Рэспубліка
Тып	культурны
Крытэрыі	iii, vi
Спасылка	915
Рэгіён***	Афрыка
Гісторыя ўключэння
Уключэнне	1999  (23-я сесія)
Пашырэнні	2005
* Міжнародная канвенцыя «ЮНЕСКА» ** Назва ў афіцыйным англ. спісе *** Рэгіён па класіфікацыі ЮНЕСКА

Увогуле, у Калысцы чалавецтва знаходзіцца больш за трыццаць пячор, дзе былі знойдзеныя выкапневыя рэшткі.

7 снежня 2005 года прэзідэнт ПАР Таба Мбекі адкрыў новы Цэнтр наведвальнікаў у Марапенге^[1].

Зноскі

1. Mbeki opens Maropeng centre. News24. 8 December 2005. Архівавана з арыгінала 30 верасня 2007. Праверана 20 жніўня 2017.