Касцёл Найсвяцейшага Сэрца Божага на Вінаградах

Касцёл Найсвяцейшага Сэрца Божага на Вінаградах (чэшск.: Kostel Nejsvětějšího srdce Páně) — каталіцкі храм у Празе ў раёне Вінаграды на плошчы Іржы з Подэбрадаў. Храм размяшчаецца ў раёне Прага 3, побач са станцыяй метро Іржыга з Подэбрад.

Славутасць
Касцёл Найсвяцейшага Сэрца Божага на Вінаградах
чэшск.: Kostel Nejsvětějšího srdce Páně
50°04′41″ пн. ш. 14°27′03″ у. д.HGЯO
Краіна	Чэхія
Месцазнаходжанне	Вінаграды[d][1]
Канфесія	Каталіцкая Царква
Епархія	Архідыяцэзія Прагі
Архітэктурны стыль	мадэрнізм
Архітэктар	Ёжэ Плечнік[d][2], Norbert Schmidt[d][3], Otto Rothmayer[d][4] і Josef Pleskot[d][5]
Дата заснавання	1928
Сайт	srdcepane.cz
Медыяфайлы на Вікісховішчы

Інтэр’ер храма

Хілары Фрэнч у сваёй кнізе «Гісторыя архітэктуры» ўнесла Касцёл Найсвяцейшага Сэрца Божага ў спіс васьмі грандыёзных збудаванняў у гісторыі чалавецтва.

Гісторыя

Быў пабудаваны з 1928 па 1932 гады архітэктарам Ёжэ Плечнікам. Плечнік вучыўся ў Вене ў Ота Вагнера, і ў яго тварэнні ўвасобіліся многія эстэтычныя прынцыпы архітэктуры мадэрну.

Архітэктура

Храм з’яўляецца вельмі нетыповым для будынкаў такога роду, бо пабудаваны ў вельмі арыгінальным архітэктурным стылі. Будынку ўласцівая прастата формаў і кампазіцыі. Царква ўяўляе сабой прамавугольны зальны храм базілікальнага тыпу з клерэсторыем. Усходні бок будынка ўвянчаны масіўнай вежай ва ўсю шырыню, якая ўзвышаецца над забудовай раёна. У вежы знаходзіцца гіганцкі гадзіннік у выглядзе акна-ружы. Над гадзіннікам знаходзіцца званіца, да якой вядзе доўгі зігзагападобны пандус. Вокны размяшчаюцца ў верхняй частцы сцен. Сцены нахілены ўнутр. Фасад упрыгожаны цаглянымі выступамі.

Інтэр’ер

Інтэр’ер храма функцыянальны, але пры гэтым вытанчаны і ўрачысты. Плоскасць сцен падкрэслена пілястрамі. Уздоўж сцен размяшчаюцца драўляныя статуі чэшскіх святых, а пасярэдзіне алтарнай сцяны ўзвышаецца манументальная статуя Хрыста, тварэнне Д. Песана.

Зноскі

1. Památkový katalog NPÚ Праверана 25 лістапада 2022.

   <a href='https://wikidata.org/wiki/Track:Q41593640'></a>
2. https://umeleckepamatky.udu.cas.cz/osoba/22-josip-plecnik Праверана 5 сакавіка 2024.

   <a href='https://wikidata.org/wiki/Track:Q124684969'></a>
3. https://umeleckepamatky.udu.cas.cz/osoba/310-norbert-schmidt Праверана 5 сакавіка 2024.

   <a href='https://wikidata.org/wiki/Track:Q124684969'></a>
4. https://umeleckepamatky.udu.cas.cz/osoba/291-otto-rothmayer Праверана 5 сакавіка 2024.

   <a href='https://wikidata.org/wiki/Track:Q124684969'></a>
5. https://umeleckepamatky.udu.cas.cz/osoba/265-josef-pleskot Праверана 5 сакавіка 2024.

   <a href='https://wikidata.org/wiki/Track:Q124684969'></a>