Касцёл Святога Антонія Падуанскага (Мінск)

Касцёл Святога Антонія Падуанскага — мураваны каталіцкі храм у горадзе Мінск. Знаходзіцца па адрасе вул. Ясеніна, 68.

Славутасць
Касцёл Св. Антонія Падуанскага
53°51′31″ пн. ш. 27°26′41″ у. д.HGЯO
Краіна	Беларусь
Горад	Мінск
Архітэктурны стыль	Неаготыка
Дата заснавання	2019
Стан	дзейнічае
Сайт	st-antony.info/by/

У паняцця ёсць і іншыя значэнні, гл. Касцёл Святога Антонія Падуанскага.

Гісторыя

Парафія існуе з 1996 года. Да пабудовы храма набажэнствы праходзілі ў памяшканні ЖЭС № 84 па адрасе пр. Газеты Звязда, 18A.

5 мая 2019 года ў касцёле адбылася першая святая Імша^[1]. Будаванне ажыццяўлялася за кошт ахвяравання вернікаў.

Архітэктура

Храм адрозніваецца прастатой, пераважаюць рысы, характэрныя для неаготыкі, улучаючы шатровую вежу-званіцу над галоўным уваходам, а таксама стральчатыя вокны, што ўпрыгожваюць бакавы фасад^[2]. Ззаду будынка храма ёсць памяшканні на калонах, для таго, каб была магчымасць праводзіць імшы на вуліцы^[3].

Зноскі

1. Адпуст у парафіі святога Антонія ў Мінску адзначылі з удзелам біскупа Велікасельца
2. КОСТЕЛ СВЯТОГО АНТОНИЯ ПАДУАНСКОГО В МИНСКЕ (нявызн.)(недаступная спасылка). Архівавана з першакрыніцы 14 снежня 2021. Праверана 17 чэрвеня 2021.
3. Храм святого Антония — Католицизм Минск