Кірыл Аляксандравіч Дарашэнка

Кірыл Дарашэнка (нар. 17 кастрычніка 1989, Новамаскоўск, УССР) — украінскі футбаліст, паўабаронца клуба «Стандарт» з Навіх Санжараў.

Кірыл Дарашэнка
Агульная інфармацыя
Поўнае імя	Кірыл Аляксандравіч Дарашэнка
Нарадзіўся	17 лістапада 1989(1989-11-17)[1][2] (35 гадоў) Самар, Навамаскоўскі раён, Днепрапятроўская вобласць, УССР, СССР
Грамадзянства	Украіна
Рост	181 см
Вага	67 кг
Пазіцыя	паўабаронца
Інфармацыя пра клуб
Клуб	Стандарт
Маладзёжныя клубы
2002—2006 Шахцёр (Данецк)
Клубная кар’ера[* 1]
2006—2010 Шахцёр (Данецк) 0 (0) 2006 →  Шахцёр-2 (Данецк) 2 (0) 2006—2008 →  Шахцёр-3 (Данецк) 51 (14) 2008—2009 →  Сталь (Алчэўск) 27 (3) 2009 →  Зорка (Кіраваград) 8 (0) 2010—2015 Алімпік (Данецк) 108 (17) 2015—2016 Зара (Луганск) 1 (0) 2016 Ільічовец (Марыупаль) 10 (0) 2017 Тарпеда-БелАЗ (Жодзіна) 15 (1) 2018 Інгулец (Пэтровэ) 9 (0) 2018 Калхеці-1913 (Поці) 15 (2) 2019—2020 ВПК-Агра (Шэўчэнкіўка) 17 (6) 2021— Стандарт (Наві Санжары)
Нацыянальная зборная[* 2]
2004—2006 Украіна (да 17) 14 (0) 2006—2007 Украіна (да 19) 9 (1)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 14 верасня 2021. Колькасць гульняў і галоў за нацыянальную зборную ў афіцыйных матчах, адкарэктавана станам на 1 снежня 2017
Медыяфайлы на Вікісховішчы

Клубная кар’ера

Выхаванец данецкага «Шахцёра», выступаў за рэзервовыя каманды клуба, таксама аддаваўся ў арэнду ў алчэўскую «Сталь» і кіраваградскую «Зорку».

У 2010 годзе перайшоў у данецкі «Алімпік», з якім стаў пераможцам спачатку Другой, а потым і Першай лігі чэмпіянату Украіны. 26 ліпеня 2014 года дэбютаваў у Прэм’ер-лізе ў матчы супраць адэскага «Чарнаморца» (0:4). У красавіку 2015 года кантракт з «Алімпікам» быў разарваны.

У чэрвені 2015 года падпісаў кантракт з луганскай «Зарой», але за год правёў толькі адзін матч, пасля чаго перайшоў у марыупальскі «Ільічовец». У студзені 2017 года пакінуў марыупальскі клуб.

У сакавіку 2017 года далучыўся да беларускага клуба «Тарпеда-БелАЗ», з якім неўзабаве падпісаў кантракт^[3]. Хутка замацаваўся ў аснове жодзінцаў у якасці цэнтральнага паўабаронцы, але ўлетку страціў месца ў складзе. Па заканчэнні сезона ў лістападзе 2017 года пакінуў «Тарпеда-БелАЗ»^[4].

У лютым 2018 года стаў іграком пэтроўскага «Інгульца». У ліпені 2018 года перайшоў у грузінскі клуб «Калхеці-1913», за які гуляў да канца года. Са жніўня 2019 года пачаў выступаць у Другой лізе Украіны за клуб ВПК-Агра з Шэўчэнкіўкі, пакінуў каманду ў снежні 2020 года. У маі 2021 года далучыўся да «Стандарта» з Навіх Санжараў у чэмпіянаце Палтаўскай вобласці.

Міжнародная кар’ера

Выступаў за юнацкія зборныя Украіны.

Дасягненні

• Пераможца Першай лігі чэмпіянату Украіны: 2013/14
• Пераможца Другой лігі чэмпіянату Украіны: 2010/11