Меліціна Дзмітрыеўна Станюта

У Вікіпедыі ёсць артыкулы пра іншых людзей з прозвішчам Станюта.

Меліціна Дзмітрыеўна Станюта (нар. 15 лістапада 1993, Мінск, Беларусь) — беларуская гімнастка. Праўнучка Стэфаніі Станюты, унучка Аляксандра Станюты.

Меліціна Станюта
Агульная інфармацыя
Пол	жаночы
Поўнае імя	Меліціна Дзмітрыеўна Станюта
Спецыялізацыя	індывідуальнае шматбор'е
Клуб	"Дынама" (Мінск)
Нарадзілася	15 лістапада 1993(1993-11-15) (31 год) Мінск, Беларусь
Грамадзянства	Беларусь
Гады кар’еры	з 2005
Трэнеры	Ірына Ляпарская, Ларыса Лук’яненка
Рост	170 см
Вага	48 кг
Узнагароды і медалі Чэмпіянаты свету Серабро Міе-2009 каманда Серабро Масква-2010 каманда Серабро Манпелье-2011 каманда Бронза Кіеў-2013 шматбор'е Бронза Кіеў-2013 мяч Бронза Кіеў-2013 стужка Бронза Масква-2010 шматбор'е Бронза Масква-2010 скакалка Бронза Міэ-2009 абруч
Медыяфайлы на Вікісховішчы

Спартыўная кар’ера

Меліціну Станюту адрознівала элегантнасць і грацыёзнасць выступленняў.

Упершыню яна заявіла пра сябе яшчэ юніёркай. Пачаўшы выступаць сярод сеньёрак (дарослых гімнастак), Меліціна адразу ж увайшла ў лік лепшых гімнастак свету. У 15 гадоў яна выйграла бронзавы медаль у практыкаваннях з абручом на чэмпіянаце свету. На чэмпіянаце Еўропы-2010 Станюта была прэтэндэнткай на медаль, але грубая памылка ў практыкаванні з мячом пакінула яе па-за межамі пастамента. На чэмпіянаце свету 2010 года ў Маскве Меліціна Станюта выйграла два бронзавых медалі — у практыкаваннях са скакалкай і ў мнагабор’і. Медаль у мнагабор’і дастаўся беларускай гімнастцы нялёгка — яна ўсяго на 0,050 бала апярэдзіла азербайджанскую гімнастку Алію Гараеву.

На Алімпійскіх гульнях 2016 у Рыа-дэ-Жанейра Меліціна Станюта заняла 5-е месца. У снежні 2016 абвясціла пра рашэнне завяршыць кар’еру.

Меліціна Станюта пасля завяршэння кар’еры 1,5 года была саўладальніцай крамы аксэсуараў Variety, але бізнэс не пайшоў^[1].

Грамадзянская пазіцыя

18 жніўня падпісала адкрыты ліст прадстаўнікоў спартыўнай галіны Рэспублікі Беларусь з патрабаваннем прызнаць несапраўднымі выбары прэзідэнта Рэспублікі Беларусь, якія прайшлі 9 жніўня 2020 года^[2].