Мушына (Мсціслаўскі раён)

Му́шына^[1][2] (трансліт.: Mušyna, руск.: Мушино) — аграгарадок у Мсціслаўскім раёне Магілёўскай вобласці. Цэнтр Мушынскага сельсавета і калгаса «70 год БССР».

Аграгарадок Мушына Краіна Беларусь Вобласць Магілёўская Раён Мсціслаўскі Сельсавет Мушынскі Каардынаты 53°54′59″ пн. ш. 31°38′27″ у. д.HGЯO Насельніцтва ▼421 чал. (2009) Часавы пояс UTC+3 Тэлефонны код +375 2240 Аўтамабільны код 6 СААТА 7246824046 Мушына Мушына

У паняцця ёсць і іншыя значэнні, гл. Мушына.

Геаграфія

Знаходзіцца за 12 км у напрамку на паўднёвы захад ад горада Мсціслаў, за 96 км ад Магілёва^[2].

У вёсцы размешчана вадасховішча, з якога выцякае рака Радуга.

Гісторыя

Вёска заснавана ў пачатку 1930-х гадоў як цэнтральная сядзіба саўгаса «Перамога», які ўваходзіў у Аршанскі свінагадоўчы трэст, меў у 1935 годзе 7 трактароў і іншую тэхніку. У 1940 годзе ў саўгасе былі 3 вытворчыя аддзяленні, 2 жывёлагадоўчыя фермы, дзейнічалі дзіцячыя яслі, клуб, бальніца, аптэка.

У Вялікую Айчынную вайну з 14 ліпеня 1941 года да 28 верасня 1943 года вёска была акупіравана нямецка-фашысцкімі захопнікамі. У 1943 годзе гітлераўцы спалілі вёску. Пасля вайны адбудавана.

Да 18 лістапада 1966 года вёска ўваходзіла ў склад Ходасаўскага сельсавета, пасля — цэнтр Мушынскага сельсавета^[3].

Насельніцтва

• 1999 год — 525 жыхароў у 219 дварах^[2].

Памятныя мясціны

• Помнік землякам, загінуўшым у Вялікую Айчынную вайну.