Нацыянальны навукова-даследчы цэнтр маніторынгу азонасферы

Нацыянальны навукова-даследчы цэнтр маніторынгу азонасферы — падраздзяленне БДУ. Асноўныя задачы ННДЦ МА БДУ — маніторынг азонавага слою, прыземнай ультрафіялетавай радыяцыі, іншых параметраў атмасферы, выкананне навукова-даследчых работ па фізіцы атмасферы і сумежных пытаннях. Установа створана 14 чэрвеня 1997 г.^[1]

Нацыянальны навукова-даследчы цэнтр маніторынгу азонасферы
Тып	Падраздзяленне БДУ
Заснаванне	14 чэрвеня 1997
Размяшчэнне	Беларусь, Мінск, вул. Курчатава, 7
Колькасць супрацоўнікаў	20
Матчына кампанія	БДУ

Падраздзяленні

• Лабараторыя фізікі атмасферы;
• Лабараторыя біяфатонікі;
• Лабараторыя аптычных сродкаў вымярэнняў;
• Лабараторыя сродкаў аўтаматызацыі;
• Інфармацыйна-аналітычны цэнтр;
• Азонаметрычная станцыя N 354 GAW;
• Сектар метралогіі.

Асноўныя напрамкі дзейнасці цэнтра

• Даследаванні ў галіне фізікі азонасферы і праблем захавання азонавага слою.
• Аператыўны маніторынг, аналіз і прагноз стану азонасферы і ўзроўняў прыземнага УФ — выпраменьвання, абмен інфармацыяй з айчыннымі, замежнымі даследчымі цэнтрамі і міжнароднымі арганізацыямі.
• Правядзенне вымярэнняў у адпаведнасці з праграмай Сусветнай метэаралагічнай арганізацыі Global Atmosphere Watch.
• Даследаванне медыцынскіх і біялагічных аспектаў ўздзеяння УФ — выпраменьвання і хімічных рэчываў, якія забруджваюць атмасферу.
• Распрацоўка і стварэнне новай вымяральнай апаратуры для маніторынгу атмасферы.
• Забеспячэнне вучэбнага працэсу і павышэнне кваліфікацыі айчынных і замежных спецыялістаў у галіне маніторынгу азонасферы і распрацоўкі новай вымяральнай апаратуры^[2].

Зноскі

1. Архіўная копія (нявызн.)(недаступная спасылка). Архівавана з першакрыніцы 30 ліпеня 2019. Праверана 30 ліпеня 2019.
2. Архіўная копія (нявызн.)(недаступная спасылка). Архівавана з першакрыніцы 15 сакавіка 2015. Праверана 29 ліпеня 2019.