Нацыянальны футбольны стадыён (Мінск)

Нацыянальны футбольны стадыён — футбольны стадыён у Мінску, хатняя арэна для зборнай Беларусі па футболе.

Нацыянальны футбольны стадыён
Месцазнаходжанне	Вуліца Ванеева (Мінск)
Закладзены	2019
Хатняя каманда	зборная Беларусі па футболе
Умяшчальнасць	33 000[1]
Памеры поля	105×68 м
Пакрыццё	натуральнае
Медыяфайлы на Вікісховішчы

Гісторыя

Будоўля стадыёна пачалася ў студзені 2019 года, калі мінскія ўлады за свой кошт сталі рыхтаваць будаўнічую пляцоўку і падводзіць камунікацыі да будучай арэны.

Далейшыя выдаткі ўзяў на сябе кітайскі бок — арэна стала падарункам для Беларусі ад Кітая. Праектаванне вялося па кітайскіх стандартах, будаўнічых нормах і тэхнічных умовах, на будоўлі працавалі кітайскія рабочыя і інжынеры, выкарыстоўвалася кітайская тэхніка^[2].

Стадыён быў адкрыты 7 чэрвеня 2025 года.

Апісанне

Стадыён пабудаваны ў адпаведнасці з тэхнічнымі патрабаваннямі і стандартамі ФІФА і УЕФА. На двух’яруснай трыбуне і ў асобных ложах маецца 33 145 пасадачных месцаў, з любога месца адкрываецца бесперашкодны агляд.

Ўсталяваны сістэма арашэння газона для падтрымання аптымальнай вільготнасці, дрэнаж для адводу дажджавой вады, падагрэў глебы для прадухілення прамярзання і падземная вентыляцыя для рэгулявання мікраклімату^[3].

Нацыянальны футбольны стадыён, Мінск.

Агульная плошча забудовы — каля 48 тысяч квадратных метраў (надземная частка — 42 тыс. м², падземная частка — 6 тыс. м²). Элементы фасада выкананы з вертыкальных алюмініевых панэляў, якія ствараюць візуальны эфект формы і колеру. Для заўзятараў і наведвальнікаў прадугледжана паркоўка на 307 машына-месцаў (151 ў падземным паркінгу і 20 для аўтобусаў).