Пояс пераваротаў

Пояс пераваротаў (фр.: la ceinture de coups d'État^[1]) — сучасная геапалітычная канцэпцыя і неалагізм для апісання рэгіёну Заходняй Афрыкі, Цэнтральнай Афрыкі і Сахеля, дзе часта адбываюцца дзяржаўныя перавароты^[2][3][4][5].

Краіны, дзе адбыліся дзяржперавароты ў 2020—2023 гадах.

Нягледзячы на тое, што гэты тэрмін, верагодна, старэйшы^[6][7], распаўсюджанасць ён набыў у пачатку 2020-х гадах пасля серыі дзяржаўных пераваротаў у Малі ў 2020 і 2021 гадах, Чадзе, Гвінеі і Судане ў 2021 годзе, у Буркіна-Фасо ў студзені і верасні 2022 года, у Нігеры і Габоне ў 2023 годзе. У рэгіёне таксама адбыліся спробы перавароту ў Нігеры і Судане ў 2021 годзе, у Гвінеі-Бісау і Гамбіі ў 2022 годзе, а таксама ў Судане і Сьера-Леонэ ў 2023 годзе.

Пасля нігерыйскага перавароту 2023 года дзяржавы, дзе ва ўладзе знаходзіліся путчысты, утварылі суцэльны ланцуг паміж усходнім і заходнім узбярэжжамі Афрыкі^[8].