Рагі (Слаўгарадскі раён)

У паняцця ёсць і іншыя значэнні, гл. Рагі.

Рагі́^[2] (трансліт.: Rahi, руск.: Роги) — вёска ў Слаўгарадскім раёне Магілёўскай вобласці. Уваходзіць у склад Свенскага сельсавета.

Вёска Рагі Краіна Беларусь Вобласць Магілёўская Раён Слаўгарадскі Сельсавет Свенскі Каардынаты 53°22′00″ пн. ш. 30°43′59″ у. д.HGЯO Вышыня цэнтра 147 м Колькасць двароў 52[1] Насельніцтва 111[1] чалавек (2011) Часавы пояс UTC+3 Тэлефонны код +375 2246 Паштовы індэкс 213264 Аўтамабільны код 6 Рагі Рагі

Назва

Назва вёскі паходзіць ад формы вясковых палявых абшараў у выглядзе рога^[3].

Гісторыя

Упершыню згадваецца ў пачатку XVIII стагоддзя ў складзе Навабыхаўскага графства, якое ў тыя часы належала Сапегам. З 1754 да канца XVIII стагоддзя Рагі знаходзіліся ў закладным уладанні ў віленскіх піяраў і складаліся з дзвюх частак: Вялікія Рагі і Малыя Рагі (Рагоўскі Прудок). Малыя Рагі мелі 38 двароў, 248 жыхароў, Вялікія Рагі — 85 двароў, 524 жыхары. У 1884 годзе ў в. Рагі 103 двары, у тым ліку 8 кравецкіх і 1 кавальскі, 590 жыхароў, хлебазапасны магазін, ветраны млын, карчма. У 1910 годзе ў Баханскай воласці Быхаўскага павета. У 1912 годзе аднакласная школа^[3]. У 1924—1954 гадах цэнтр Рагоўскага сельсавета.

Насельніцтва

• 2011 год — 111 чалавек^[1]
• 2010 год — 114 чалавек
• 1999 год — 190 чалавек
• 1910 год — 789 чалавек^[3]

Інфраструктура

У вёсцы дзейнічае крама^[1].

Зноскі

1. КОЛИЧЕСТВО НАСЕЛЕНИЯ СЛАВГОРОДСКОГО РАЙОНА (руск.)
2. Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
3. Памяць: Гіст.-дакум. хроніка Слаўгарадскага раёна / Рэдкал. Г. К. Кісялёў (гал. рэд.) і інш. — Мн.: БелТА, 1999. — С. 579.