Свята-Афанасьеўскі мужчынскі манастыр (Брэст)

Свята-Афанасьеўскі мужчынскі манастыр ― манастыр у Брэсце (былая вёска Аркадыя). Знаходзіцца на вуліцы Свята-Афанасьеўская, 39.

Манастыр
Свята-Афанасьеўскі мужчынскі манастыр
52°03′24″ пн. ш. 23°41′54″ у. д.HGЯO
Краіна	Беларусь
Горад	Брэст
Канфесія	Праваслаўе
Епархія	Брэсцкая і Кобрынская епархія
Дата заснавання	1996
Сайт	piligrim.by
Медыяфайлы на Вікісховішчы

Гісторыя

На мяжы XIX—XX стагоддзяў на месцы смерці святога Афанасія Брэсцкага ў 1648 годзе была пабудавана Свята-Афанасьеўская царква. Пасля Другой сусветнай вайны храм быў закрыты.

У 1980 годзе пастановай Брэсцкага аблвыканкама храм быў перададзены ў вядзенне Праваслаўнай Царквы. Храм быў адноўлены і ў 1988 годзе ў ім адбылося першае набажэнства. У ліпені 1995 года храм наведаў патрыярх Алексій II і блаславіў адкрыццё мужчынскага манастыра.

21 лютага 1996 года Свяшчэнным сінодам Рускай праваслаўнай царквы было зацверджана заснаванне манастыра^[1].

Архітэктура

Царква — помнік народнага дойлідства з рысамі рэтраспектыўна-рускага стылю. Пабудавана з хваёвага бруса на падмурку. Выразнасць будынка дасягаецца падоўжна-восевым спалучэннем розных па памерах зрубаў выцягнутага бабінца з прытворам і крыжовай у плане малітоўнай залы, плаўным спалучэннем іх 2-схільных дахаў. Над сяродкрыжжам уздымаецца высокі гранёны шацёр з макаўкай. Макаўкамі завершаны і 3-вугольныя франтоны крылаў крыжа, апсіда і бабінец, што стварае партатыўнае маляўнічае залачонае 5-купалле. Па тыпу сялянскай хаты галоўны фасад завершаны 3-вугольным франтонам, ашаляваным «у вугал» і ахопленым разнымі падзорамі; па цэнтры франтона размешчаны абраз прападобнага Афанасія Філіповіча. Фасады ашаляваны гарызантальна, цокальная частка — вертыкальна. Уваход вылучаны 4-слуповым ганкам пад 2-схільным дахам. У інтэр’еры апсіда вылучана шырокай кілепадобнай аркай. 1-ярусны драўляны іканастас у неарускім стылі; царскія вароты, арачныя рамы абразоў размежаваны карынфскімі калонкамі, завершаны кілепадобнымі франтончыкамі. Галерэя хораў падтрымана бакавымі ўвагнутымі кранштэйнамі.

Зноскі

1. Аркадия. Свято-Афанасьевский мужской монастырь Архівавана 5 лютага 2020.