Стандартная бібліятэка ў C++

Стандартная бібліятэка ў C++ (C++ Standard Library — SL) — сукупнасць класаў і функцый мовы праграмавання C++. Гэтая сукупнасць адпавядае існым стандартам C++, першы з якіх быў прыняты ў 1998 годзе (C++98). У 2011 годзе быў распрацаваны стандарт C++11.

Загалоўкавыя файлы стандартнай бібліятэкі C++

У стандартнай бібліятэцы C++ прадугледжана сістэма загалоўкавых файлаў, якія неабходна падключаць да кода пры напісанні праграмы, каб выкарыстоўваць гатовыя класы і функцыі. Гэта значна эканоміць час стварэння праекта, бо праграмісту не трэба самому займацца напісаннем неабходных элементаў коду. У C++ прадугледжаныя наступныя асноўныя загалоўкавыя файлы SL^[1]:

Загаловак SL	Тлумачэнне
<cstdio>	Змяшчае прататыпы для стандартнага ўводу/вываду даных стандарту C
<iostream>	Змяшчае прататыпы для стандартнага ўводу/вываду даных стандарту C++
<iomanip>	Змяшчае прататыпы для функцый-маніпулятараў са струменем. Маніпулятары фарматуюць струмені даных.
<cmath>	Змяшчае прататыпы для матэматычных функцый
<cstdlib>	Змяшчае прататыпы для функцый пераўтварэння лікаў у тэкст і наадварот, размеркавання памяці і далучэння рандамізацыі
<ctime>	Змяшчае прататыпы для функцый маніпулявання часам
<vector>, <list>, <deque>, <queue>, <stack>, <map>, <set>, <bitset>	Змяшчае класы разнастайных кантэйнераў
<cctype>	Змяшчае прататыпы для функцый, якія правяраюць даныя (напрыклад, ці з'яўляецца сімвал коскай або лікам)
<cstring>	Змяшчае прататыпы для функцый апрацоўкі радкоў
<string>	Змяшчае вызначэнне класа string
<typeinfo>	Змяшчае класы, якія вызначаюць тыпы даных падчас выканання праграмы
<fstream>	Змяшчае прататыпы для функцый, якія ажыццяўляюць увод даных у файл і іх вывад з файла
<sstream>	Змяшчае прататыпы для функцый, якія ажыццяўляюць увод і вывад радкоў у памяці
<algorithm>	Утрымлівае прататыпы для функцый маніпулявання данымі

• Заўвага. Загалоўкі прыведзеныя для кампілятараў Linux-падобных сістэм.

Зноскі

1. Deitel, Paul J. C++ : how to program / P.J. Deitel, H.M. Deitel. -- 8th ed, 205-207 Includes index. ISBN 978-0-13-266236-9