Столінскі краязнаўчы музей

Столінскі краязнаўчы музей — музей у горадзе Столін. Створаны ў 1954 годзе па ініцыятыве і на аснове збораў краязнаўца Б. В. Міралюбава, адкрыты ў 1955 годзе. Плошча экспазіцыі 206 м², больш 11,7 тысяч экспанатаў асноўнага фонду. Экспазіцыя размяшчаецца ў шасці залах, ёсць два фондасховішчы.

Столінскі краязнаўчы музей
Профіль	комплексны
Заснаваны	1955
Падпарадкаванасць	аддзел культуры Столінскага райвыканкама
Краіна	Беларусь
Месцазнаходжанне	Брэсцкая вобласць, г. Столін, парк «Манькавічы», 225510
Памеры фонду	11 677
Агульная плошча	308
Выставачная плошча	206
Плошча запаснікаў	19
stolin.museum.by

Першым кіраўніком музея была Вера Мацвееўна Очкіна, першым навуковым супрацоўнікам — Яўстафій Юльянавіч Высоцкі. За час дзейнасці музея змянілася 3-ы стацыянарныя экспазіцыі. Дырэктар музея станам на 2016 год — Святлана Вярэніч.^[1]

Музей знаходзіцца ў былым радзівілаўскім сядзібным парку (цяпер парк «Манькавічы»), куды пераехаў у 1970 годзе. Каля музея складзены камяні са старажытнымі петрогліфамі, знойдзеныя пад алтарнай часткай былога столінскага касцёла Раства Багародзіцы.

Аддзелы

• Археалогіі
• Гісторыі
• Этнаграфіі
• Прыроды

Філіялы

• Музей гісторыі горада ў Давыд-Гарадку
• Музей народнай славы ў рабочым пасёлку Рэчыца
• Музей-сядзіба ганчара ў вёсцы Гарадной

Зноскі

1. Газета «Навіны Палесся»: Парк «Манькавічы» і раённы краязнаўчы музей святкуюць юбілеі (02.07.2015) Архівавана 25 лістапада 2016.