Сцежкаю жыцця

Зорка Венера — опера кампазітара Г. М. Вагнера, пастаўленая ў 1980 годзе ў Беларускім дзяржаўным тэатры оперы і балета. Спектакль быў аформлены мастаком Ю. Турам.

Сцежкаю жыцця
Жанр	опера
Заснаваны на	аповесці «Воўчая зграя» В. Быкава
Аўтар	лібрэта А. Вярцінскага і С. Штэйна
Кампазітар	Г. М. Вагнер
Дырыжор	Анатоль Ільіч Вярцінскі
Краіна	БССР
Мова	беларуская
Год	1980

Сюжэт

Опера пастаўленая паводле аповесці «Воўчая зграя» В. Быкава пра драматычныя падзеі гадоў Вялікай Айчыннай вайны^[1]. Лібрэта стварылі А. Вярцінскі і С. Штэйн.

Музыка

У партытуры кампазітар выкарыстаў напеўныя інтанацыі народных песень^[2]. Асноўнай музычнай тэмай — «ваўчынай зграі» — паслужыў механічна-бяздушны матыў бравурнага марша. Хор жыхароў спаленай вёскі, які задумваўся як адна з эмацыйных кульмінацый оперы, па жанры — плач^[2]. Хор быў напісаны настолькі экспрэсіўна, моцна і пранізліва, што і праз шмат гадоў пасля прэм'еры (у межах канцэртнага цыкла «Па старонках беларускіх опер») рабіў уражанне сачынення надзвычай сучаснага і вострага — і па змесце, і па форме^[2].

Акцёры

• Ляўчук — І. Д. Сарокін^[3], А. М. Саўчанка
• Клава — Н. І. Казлова^[4][5], Т. І. Шымко
• Грыбаед — В. А. Стральчэня^[3]
• Ціханаў — М. Ф. Галкоўскі
• Куліш — У. Генералаў

Крытыка

«Сцежкаю жыцця» з поспехам прагучала на сцэне Вялікага тэатра ў Маскве ў час гастроляў Беларускага тэатра оперы і балета. У шматлікіх рэцэнзіях, у тым ліку і ў цэнтральнай прэсе, адзначаўся сур'ёзны ўклад кампазітара ў музычна-сцэнічнае рашэнне ваеннай тэмы, асаблівасці якога — ва ўстанаўленні непарыўнай сувязі мінулага з сучасным^[1].

Зноскі

1. Біяграфія Г. Вагнера на hor.by
2. Таццяна Міхайлава. «Я перад вамі з памяццю сваёй…» (нявызн.)(недаступная спасылка). Архівавана з першакрыніцы 21 студзеня 2021. Праверана 10 верасня 2013.
3. Першы выканаўца
4. Першая выканаўца
5. Козлова Нина Ивановна Архівавана 23 сакавіка 2013. (руск.)