Сямён Захаравіч Фрадкін

У Вікіпедыі ёсць артыкулы пра іншых людзей з прозвішчам Фрадкін.

Сямён Захаравіч (Залманавіч^[1]) Фра́дкін (27 снежня 1932, Дуброўна, Віцебская вобласць 25 студзеня 2007, Мінск) — беларускі вучоны ў галіне анкалогіі, заснавальнік школы навук па гіпертэрміі і гіперглікеміі ў анкалогіі. Навуковая ступень доктара медыцынскіх навук прысвоена ў 1977 г., прафесара — у 1979 г.

Сямён Захаравіч Фрадкін
Дата нараджэння	27 снежня 1932(1932-12-27)
Месца нараджэння	Дуброўна, Дубровенскі раён, Беларуская ССР, СССР
Дата смерці	25 студзеня 2007(2007-01-25) (74 гады)
Месца смерці	Мінск, Беларусь
Месца пахавання	Усходнія могілкі
Грамадзянства	СССР  Беларусь
Род дзейнасці	урач
Навуковая сфера	медыцына і анкалогія
Месца працы	Беларускі навукова-даследчы інстытут анкалогіі і медыцынскай радыялогіі
Навуковая ступень	доктар медыцынскіх навук
Навуковае званне	прафесар
Альма-матар	Смаленскі дзяржаўны медыцынскі ўніверсітэт[d]

Біяграфія

Скончыў Смаленскі медыцынскі інстытут у 1955 г. Працаваў хірургам у гарадской бальніцы і выкладаў у медыцынскім вучылішчы ў горадзе Пракоп'еўск Кемераўскай вобласці^[2]. З 1959 года працаваў у Інстытуце ўдасканалення ўрачоў у горадзе Навакузнецк (Расія). У 1962 годзе скончыў аспірантуру, у 1964 годзе абараніў кандыдацкую дысертацыю. У 1965—1966 гг. працаваў загадчыкам аддзялення экстрапаральнага кровазвароту 5-й клінічнай бальніцы Мінска. 1966 года — у Беларускім навукова-даследчым інстытуце анкалогіі і медыцынскай радыялогіі (з 1972 года — загадчык лабараторыі).

Навуковая дзейнасць

С. З. Фрадкіну належаць навуковыя працы па камбінаваным і хірургічным лячэнні злаякасных пухлін, інтэнсіўнай тэрапіі, рэанімацыі і анестэзіялогіі ў клінічнай анкалогіі; па праблемах кіравальнай штучнай гіпертэрміі і гіперглікеміі ў мнагакампанентным лячэнні злаякасных новаўтварэнняў. Аўтар 484 навуковых работ, у тым ліку 10 манаграфій^[2]. Падрыхтаваў 23 кандыдаты і дактары навук^[2]. Удзельнік шматлікіх міжнародных форумаў у Італіі (1996, 2001, 2005), Германіі (1997, 2007), Маскве (2000), Нарвегіі (2002) і інш^[2].

Аўтар прац «Операционный риск и интенсивная терапия в онкологической клинике» (1976 г.), «Гипертермия и гиперглинемия в онкологии» (1987 г.), «Клиническая онкология» (у сааўтарстве ,2003), «Современное состояние гипертермической онкологии и тенденции ее развития» (2004), «Перспективы применения компьютеризированных систем для гипертермии» (у сааўтарстве, 2004) і інш.

С. З. Фрадкіну належыць шэраг аўтарскіх пасведчанняў і патэнтаў на спосабы дыягностыкі і лячэння хвароб^[3].

Узнагароды і прэміі

• Медаль «За доблесную працу. У азнаменаванне 100-годдзя з дня нараджэння Уладзіміра Іліча Леніна» (1970)
• Медаль «Ветэран працы» (1986)
• Дзяржаўная прэмія Беларусі (1988)
• Грамата вярхоўнага Савета БССР (1978)
• Ганаровая грамата Савета Міністраў Рэспублікі Беларусь (1997)
• Знак «Выдатнік аховы здароўя СССР» (1980)

Зноскі

1. Фрадкин Семён Захарович — Биография(недаступная спасылка) (руск.)
2. Памяти Семёна Захаровича Фрадкина Архівавана 14 сакавіка 2016. (руск.)
3. База патентов Беларуси(недаступная спасылка)