Сінагога ў Задзвінні (Віцебск)

Сінагога ў Задзвінні (Вялікая Любавіцкая сінагога) — сінагога, якая знаходзіцца ў Задзвінскім раёне Віцебска на вуліцы Вялікай Ільінскай (цяпер Рэвалюцыйная).

Сінагога
Сінагога ў Задзвінні (Вялікая Любавіцкая)
Сінагога ў верасні 2023 года.
55°11′53″ пн. ш. 30°11′34″ у. д.HGЯO
Краіна	Беларусь
Горад	Віцебск
Канфесія	артадаксальны іўдаізм
Тып будынка	мураваны
Дата заснавання	перад Першай сусветнай вайной (або 1872 г.)
Статус	дзейнічае
Стан	адноўлена
Медыяфайлы на Вікісховішчы

Гісторыя

Сінагога пабудавана напярэдадні Першай сусветнай вайны, па некаторых звестках у 1872 годзе. Паводле гарадскога падання, сюды хадзіў маліцца бацька Марка Шагала. Пасля Кастрычніцкай рэвалюцыі сінагога зачынена і ў яе будынку размешчаны аэраклуб, а пасля 1945 года — прамысловыя склады. Засталіся цэлымі толькі вонкавыя сцены будынка, якія сталі цалкам непрыдатнымі.

Вялікую Любавіцкую сінагогу пачалі адбудоўваць у 2022 годзе, адкрылі ў 2023 годзе^[1].

Значную ролю ў аднаўленні сінагогі адыгралі нашчадкі галоўнага віцебскага рабіна Шмар'ягу Медалье, і асабліва яго праўнучка Ганна Медалье^[2].

Галерэя

• 
• 

Зноскі

1. Восстановили из руин. В Витебске прошла церемония открытия Большой Любавичской синагоги (руск.)
2. Як ідзе аднаўленне Віцебскай сінагогі