Яўген Віктаравіч Клімакоў

Яўген Віктаравіч Клімакоў (нар. 28 верасня 1952, Тула, РСФСР) — беларускі дзеяч тэатра лялек. Заслужаны дзеяч культуры Беларусі (1998).

Яўген Віктаравіч Клімакоў
Дата нараджэння	28 верасня 1952(1952-09-28) (73 гады)
Месца нараджэння	Тула, Тульская вобласць, РСФСР, СССР
Адукацыя	Беларускі дзяржаўны тэатральна-мастацкі інстытут (1980) Беларускі дзяржаўны тэатральна-мастацкі інстытут (1990)
Тэатр	Міністэрства культуры БССР Беларускі дзяржаўны тэатр лялек
Член у	БСТД
Узнагароды

Біяграфія

Скончыў Беларускі тэатральна-мастацкі інстытут (у 1980 годзе — тэатральны факультэт, у 1990 — аддзяленне планавання і арганізацыі тэатральнай справы). Працаваў у Міністэрстве культуры БССР (1979—1985). Прадстаўляў Беларусь у камісіі па культуры ЮНЕСКА (Балгарыя, 1982). У 1985—2022 гадах — дырэктар (у 1995—1998 — адначасова мастацкі кіраўнік) Беларускага дзяржаўнага тэатра лялек.

З'яўляўся Старшынёй дырэктараў тэатраў лялек Беларусі (з 1994), віцэ-прэзідэнтам Беларускага цэнтра УНІМА (з 1997). Дырэктар Беларускага міжнароднага фестывалю тэатраў лялек (Мінск, 1990, 1993, 1995, 1999, 2008, 2010, 2012, 2014, 2016, 2018).

Член Беларускага саюза тэатральных дзеячаў з 1981 года.

Узнагароды

• Медаль «За працоўныя заслугі» (2009)^[1].

Зноскі

1. Указ Прэзідэнта Рэспублікі Беларусь ад 21 мая 2009 года № 260 «Аб узнагароджанні дзяржаўнымі ўзнагародамі Рэспублікі Беларусь» (нявызн.)(недаступная спасылка). Архівавана з першакрыніцы 25 кастрычніка 2021. Праверана 21 сакавіка 2021.