Іаан Магнус

Іаан Магнус (лац.: Johannes Magnus), латынізацыя сапраўднага імя — Юхан Монсан (шведск.: Johan Månsson) (19 сакавіка 1488, Лінчэпінг — 22 сакавіка 1544, Рым) — каталіцкі архібіскуп Упсальскі і прымас Швецыі (1523—1531), багаслоў, гісторык і складальнік генеалогіі. Брат Олафа Магнуса, таксама вядомага каталіцкага дзеяча і гісторыка.

Архібіскупская пячатка Іаана Магнуса

Іаан Магнус
Roman Catholic archbishop of Uppsala[d] 1524 — 1544
Дыяцэзія	Архідыяцэзія Упсалы, каталіцкая
Папярэднік	Gustav Trolle[d]
Пераемнік	Олаф Магнус
Дзейнасць	гісторык, каталіцкі святар, багаслоў, каталіцкі біскуп
Нараджэнне	19 сакавіка 1488[1][2][…] Linköping Cathedral Congregation[d], Швецыя[1]
Смерць	22 сакавіка 1544[1][2][…] (56 гадоў) Рым, Папская вобласць[1]
Медыяфайлы на Вікісховішчы

Сын Монса Педэрсана, дэпутата рыксдага ад Лінчэпінга. Прэтэндаваў на паходжанне з арыстакратычнай сям'і Стурэ (Magnus з'яўляецца адначасова перакладам імя Store — «вялікі»), але доказаў гэтага няма. У 1523 прызначаны каралём Густавам I Васам на Упсальскую кафедру без папскага дазволу (Клімент VII палічыў незаконным скасаванне за здраду папярэдняга архібіскупа Густава Троле). Праз некаторы час Іаан выступіў супраць рэфарматарскіх планаў караля і дзейнасці лютэранскіх прапаведнікаў Олафа і Лаўрэнція Петры. У 1526 Магнус ездзіў паслом у Вялікае княства Маскоўскае да Васіля III, але ў Швецыю не вярнуўся. У 1531 Густаў Васа прызначыў замест яго архібіскупа-пратэстанта — Лаўрэнція Петры. У 1533 годзе Папа прызнаў звальненне Троле законным і пасвяціў Іаана Магнуса ў архіепіскапы ў Рыме, але, па прычыне, што Швецыя ў гэты час ужо канчаткова адвярнулася ад Рыма, Магнус застаўся ў папскай сталіцы да канца жыцця. Пасля яго смерці Папа прызначыў фармальным архібіскупам Упсалы яго брата Олафа.

Зноскі

1. Johannes Magnus — 1917.

   <a href='https://wikidata.org/wiki/Track:Q379406'></a><a href='https://wikidata.org/wiki/Track:Q1724971'></a>
2. Johannes Magnus // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>