Берлінскі батанічны сад

Берлінскі батанічны сад (ням.: Botanischer Garten und Botanisches Museum Berlin-Dahlem) — адзін з найбуйнейшых і найстарэйшых батанічных садоў Германіі і свету.

Берлінскі батанічны сад?
ням.: Botanischer Garten und Botanisches Museum Berlin
Асноўная інфармацыя
Тып	батанічны сад, батанічны музей[d] і гербарый
Плошча	43 га
Дата заснавання	1897
bo.berlin (ням.)​ (англ.)
Размяшчэнне
52°27′18″ пн. ш. 13°18′13″ у. д.HGЯO
Медыяфайлы на Вікісховішчы

Гіганцкі бамбук у Вялікім павільёне

Кактусавы павільён

Павільён «Вікторыя»

Італьянскі сад з трапічнай аранжарэяй

Сад размешчаны ў наваколлі Далема берлінскай адміністрацыйнай акругі Штэгліц-Цэлендорф. Ён быў пабудаваны паміж 1897 і 1910 годамі, пад кіраўніцтвам вядомага батаніка Адольфа Энглера, з тым намерам, каб прадставіць экзатычныя расліны з нямецкіх калоній. Пасля смерці Энглера, згодна з яго воляй, ён быў пахаваны ў створаным ім садзе.

Гісторыя

Берлінскі Батанічны сад мае больш як 300-гадовую гісторыю. Папярэднік саду быў створаны ў пачатку XVII стагоддзя і спачатку знаходзіўся ў садах замка Берліна. У 1679 Вялікі курфюрст даў указанне, каб адкрыць сельскагаспадарчы сад, які быў закладзены ў Шонебергу, вёсцы недалёка ад Берліна (цяпер адзін з яго раёнаў), на месцы цяперашняга парка ням.: Heinrich-von-Kleist.^[1] Карл Людвіг Вілдэноф дамогся, каб сад быў аддадзены ў 1809 годзе Берлінскаму ўніверсітэту, пасля чаго сад развіўся да сусветна вядомага ды прызнанага «Батанічнага саду» з навуковым характарам працы.

Склад саду

Батанічны сад з’яўляецца часткай Свабоднага ўніверсітэта Берліна. Батанічны музей (ням.: Botanisches Museum) з вялікім гербарыем (ням.: Herbarium Berolinense) і буйная навуковая бібліятэка таксама з’яўляюцца часткай саду.

Батанічны сад займае плошчу ў 43 гектары^[2]. У садзе вырошчваецца каля 22.000 розных відаў раслін. Комплекс складаецца з некалькіх будынкаў і аранжарэй, такіх як Кактусавы павільён і павільён Вікторыя (у якім знаходзяцца калекцыя архідэй, казуркаядных раслін і гіганцкая вадзяная белая лілея Victoria-Seerosen). Агульная плошча ўсіх аранжарэй складае 6000 м². Тыя часткі саду, якія знаходзяцца пад адкрытым небам, сартуюцца па геаграфічнаму паходжанню і маюць агульную плошчу 13 га. Дэндрарый саду складае 14 гектараў.

Найбольш вядомая частка саду — Вялікі павільён (ням.: Das Große Tropenhaus), найбуйнейшая аранжарэя ў свеце. Будынак сталёвай канструкцыі пакрыты шклом, дасягае 25 метраў у вышыню, займае плошчу 30 на 60 метраў. Тэмпература ўсярэдзіне збудавання падтрымліваецца на ўзроўні 30 °C пры высокай вільготнасці паветра. Сярод шматлікіх трапічных раслін, у павільёне расце гіганцкі бамбук.

Час працы

Батанічны сад працуе штодзённа, акрамя 24 снежня. Аранжарэі, касы і ўваход у парк зачыняюцца за 30 хвілін да заканчэння працы.

№	Месяц	Адкрыцце	Закрыцце	Заўвагі
1	Студзень	9.00	16.00
2	Люты	9.00	17.00
3	Сакавік	9.00	18.00	31 сакавіка 2012 сад будзе адчынены з 8.00
4	Красавік	9.00	20.00	З 28 красавіка па 30 красавіка 2012 года сад будзе зачыняцца 21.00
5	Май	9.00	21.00
6	Чэрвень	9.00	21.00
7	Ліпень	9.00	21.00
8	Жнівень	9.00	20.00
9	Верасень	9.00	19.00	1 і 2 верасня 2012 сад адчыняецца ў 8.00
10	Кастрычнік	9.00	18.00
11	Лістапад	9.00	16.00
12	Снежань	9.00	16.00

Батанічны музей працуе штодзённа з 10.00 да 18.00, акрамя 24 снежня.

Бібліятэка працуе з панядзелка па пятніцу з 9.00 да 18.00 (у час летніх вакацый час працы скарачаецца).

Транспарт

Батанічны сад знаходзіцца ў паўднёва-ўсходняй частцы Берліна. Грамадскім транспартам можна дабрацца:

• метрапалітэнам лініі U9 да станцыі Rathaus Steglitz, далей аўтобусам № Х83 да прыпынку Kunigin-Luise-Platz/Botanischer Garten ці аўтобусам № М48 да прыпынку Botanischer Garten;
• метрапалітэнам лініі U3 да станцыі Rathaus Steglitz, далей аўтобусам № Х83 да прыпынку Kunigin-Luise-Platz/Botanischer Garten ці аўтобусам № Х83 ды 101 да прыпынку Kunigin-Luise-Platz/Botanischer Garten^[3];
• хуткім трамваем S1 да прыпынку Botanischer Garten, далей 10 хвілін пешшу.

Кошт уваходу

Уваходны квіток на дзень:

• Дарослыя — 6€,
• Ільготны квіток — 3€,
• Сямейны — 12€,
• Летні вячэрні квіток (уваход пасля 17.00) — 3€.

Абанемент на год:

• Дарослыя — 50€,
• Ільготны — 20€,
• Сямейны — 100€.

Уваход толькі ў Батанічны Музей:

• Дарослыя — 2,5€,
• Ільготны — 1,5€,
• Сямейны — 0,5€^[4].

Зноскі

1. Афіцыйны сайт Батанічнага саду (англ.) (недаступная спасылка) Архівавана 28 чэрвеня 2010.
2. Афіцыйны сайт Батанічнага саду (ням.) (недаступная спасылка) Архівавана 4 лістапада 2011.
3. Схема Берлінскага метрапалітэна
4. Кошт уваходу на афіцыйным сайце (англ.) (недаступная спасылка) Архівавана 1 кастрычніка 2011.

Спасылкі

• Афіцыйны сайт Берлінскага батанічнага саду (ням.) (англ.)
• Сайт Свабоднага ўніверсітэта Берліна Архівавана 27 лютага 2010. (ням.) Архівавана 27 лютага 2010.