Добры Бор (археалагічныя помнікі)
археалагічныя аб’екты ў Беларусі From Wikipedia, the free encyclopedia
археалагічныя аб’екты ў Беларусі From Wikipedia, the free encyclopedia
Добры Бор — археалагічныя помнікі: стаянкі каменнага і бронзавага вякоў каля вёскі Добры Бор (Баранавіцкі раён, Брэсцкая вобласць).
Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113В000054 |
Знаходзіцца за 2,5 км на паўднёвы ўсход ад вёскі, на дзюне Гарадок, што знаходзіцца на шырокім асушаным правабярэжным поплаве ракі Шчара. Плошча 5500 м². Выявіў у 1951 годзе А. Р. Мітрафанаў. У 1960 годзе І. М. Цюрына даследавала 984 м². Культурны пласт 0,5—0,8 м. Выяўлены 12 агнішчаў круглай і авальнай формы, 5 ям, з іх 3 маюць прамавугольную форму і, магчыма, з’яўляліся паўзямлянкамі. Знойдзена каля 2 тыс. абломкаў ляпнога глінянага посуду і каля 900 крамянёвых прылад працы і нуклеусаў. Сярод крамянёвых вырабаў трохвугольныя наканечнікі стрэл, масіўныя лістападобныя наканечнікі коп’яў, нажы з гарбатай спінкай і серпападобныя, разнастайныя скрабкі, разцы, праколкі, цёслы, сякеры. Знойдзены таксама шліфаваныя каменныя сякеры з прасвідраванымі адтулінамі, шліфавальныя пліткі, адбойнікі. Сярод керамікі найбольш абломкаў вастрадонных гаршкоў са шчыльнымі падштрыхаванымі сценкамі, арнаментаванымі наколамі, насечкамі, пракрэсленымі рысамі, адбіткамі штампа, якія адносяцца да дабраборскага этапу нёманскай культуры позняга неаліту. Да бронзавага веку належаць абломкі пласкадонных гаршкоў з прафіляванымі сценкамі, арнаментаванымі наразнымі рысамі, шнуравымі адбіткамі, наколамі. Асноўная колькасць знаходак адносіцца да III-га — 1-й паловы II-га тыс. да н.э.
Іншыя стаянкі неаліту і бронзавага веку выяўлены на дзюнах поплаву ўздоўж абодвух берагоў Шчары, на поўдзень і паўднёвы ўсход ад вёскі, на высокім пясчаным участку карэннага берага Шчары.
Сляды мезалітычнага паселішча — на ўсходняй ускраіне вёскі.
Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113В000055 |
Знаходзіцца за 2 км на паўночны ўсход ад вёскі, ва урочышчы Моргач, на крайнім ад поля ўзвышшы, за 0,4 км ад дарогі. Форма авальная, памер 71х80 м[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.