Капліца Заслаўскіх (Мір)
From Wikipedia, the free encyclopedia
From Wikipedia, the free encyclopedia
Капліца Заслаўскіх — помнік архітэктуры пачатку 20 ст., размешчаны ў г.п. Мір Карэліцкага раёна, каля Мірскага замка. Пабудавана ў 1909 г. з цэглы.
Славутасць | |
Капліца Заслаўскіх | |
---|---|
| |
53°27′05″ пн. ш. 26°28′11″ у. д.HGЯO | |
Краіна | Беларусь |
Гарадскі пасёлак | Мір |
Медыяфайлы на Вікісховішчы |
Капліца ўяўляе невялікі па сваіх памерах будынак, квадратны ў плане. Будынак атынкаваны і пабелены, пакрыты медным дахам, над якім знаходзіцца крыж. У заходняй сцяне маюцца драўляныя дзверы, у паўднёвай і паўночнай — па аднаму акну. У 30-ых гадах 20 ст. у сярэдзіне капліцы знаходзілася Галгофа — крыж з распяццем на падстаўцы.
Помнік архітэктуры неарускага стылю. Вырашана цэнтрычным 4-гранным аб’ёмам пад шлемападобным купалам. Бакавыя грані прарэзаны прамавугольнымі аконнымі праёмамі ў ліштвах з сандрыкамі, тыльная грань дэкарыравана рэльефным крыжам, вуглы крапаваны гранёнымі лапаткамі.
Капліца пабудавана дзеля ўшанавання імені Уладзіміра Францавіча Заслаўскага, які памёр 28 сакавіка 1909 года ва ўзросце 37 гадоў. Капліца пабудавана на месцы драўлянай капліцы на перакрыжаванні дарог непадалёку ад Мірскага замка па распараджэнні мясцовай мяшчанкі Францішкі Заслаўскай, пра што сведчыць табліца над уваходам з наступным надпісам:
Часовня сія построена Францишкою Заславскою За упокой сына ея Владиміра Францевича Заславскаго 1909 г. |
За тры гады да гэтага Уладзмір Заслаўскі быў моцна збіты п’янымі казакамі Кубанскага войска княгіні Клеапатры Святаполк-Мірскай. Магчыма, што Уладзіміра Заслаўскага пахавалі ля сцен Мірскай Свята-Мікалаеўскай царквы.
Па ўсёй верагоднасці, капліцу ў мястэчку Мір узвялі на зямлі, якая належала сям’і Заслаўскіх і пазней была набыта князямі Святаполк-Мірскімі. Яшчэ ў савецкія гады землі ад возера на рацэ Міранцы да бліжэйшага лесу называлі Заслаўшчынай. На гэта ўказваюць дакументы, якія захаваліся ў Дзяржаўным занальным архіве горада Баранавічы і сведчаць пра перадачу ў 1945 годзе зямлі з урочышча Заслаўшчына пад падсобную гаспадарку Мірскай гарадской пажарнай ахове, райканторы сувязі і прамкамбінату.
Прыдарожная капліца лічыцца помнікам архітэктуры, якая захавала памяць пра прадстаўнікоў роду Заслаўскіх, якія жылі ў Міры ў XIX — першай палове XX стагоддзя.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.