Нью-Гэмпшыр

Нью-Гэмпшыр, таксама Нью-Хэмпшыр^[3] (англ.: New Hampshire) — штат на паўночным усходзе ЗША, у рэгіёне Новая Англія. Плошча 24 тыс.км². Насельніцтва 1.315.000 (2007). Неафіцыйная назва — «Гранітны штат». Сталіца штата — горад Конкард. Найбуйнейшыя гарады — Манчэстэр, Нашуа. Першы штат у краіне, які абвясціў незалежнасць ад Вялікабрытаніі. Большая частка штата занята адгор’ямі Апалачаў (масіў Уайт-Маўнтынс, вышыня да 1916 м — гара Вашынгтон), на паўднёвым усходзе штата — берагавая нізіна. Клімат умераны, марскі. Тэмпература паветра ад −5 °C у студзені да 22 °C у ліпені. Ападкаў каля 800—1000 мм за год. Галоўныя рэкі Канектыкут і Мерымак. Возера Уініпесокі. Большая частка тэрыторыі штата пад лесам (хвоя, хемлак, дуб, бяроза).

Нью-Гэмпшыр
англ.: State of New Hampshire
Сцяг
Краіна	ЗША[1]
Гімн	Old New Hampshire[d]
Уваходзіць у	ЗША
Адміністрацыйны цэнтр	Конкард
Дата ўтварэння	21 чэрвеня 1788
Кіраўнік	Крыс Сунуну[d]
Насельніцтва	▲1 377 529 чал. (1 красавіка 2020)[2]
Плошча	24 214 км²
Вышыня над узроўнем мора	305 м
Часавы пояс	EDT[d] і зона Амерыка/Нью-Ёрк[d]
Код ISO 3166-2	US-NH
Афіцыйны сайт (англ.)
Медыяфайлы на Вікісховішчы

У паняцця ёсць і іншыя значэнні, гл. Нью-Гэмпшыр (значэнні).

Эканоміка

Прамысловасць: машынабудаўнічая (электратэхнічная, электронная, вытворчасць прамысловага абсталявання), гарбарна-абутковая, тэктыльная, дрэваапрацоўчая, цэлюлозна-папяровая. Лесанарыхтоўкі. Здабыча будаўнічых матэрыялаў (граніт і інш.).

У сельскай гаспадарцы дамінуюць малочная жывёлагадоўля, птушкагадоўля, цяплічныя гаспадаркі, якія спецыялізуюцца на журавінах, чарніцах.

Адзіны акіянічны порт — Портсмут. Значная частка насельніцтва (да 15%) занята ў сферы паслуг і турызму.

Зноскі

1. archINFORM — 1994. Праверана 6 жніўня 2018.

   <a href='https://wikidata.org/wiki/Track:Q265049'></a>
2. 2020 United States Census / пад рэд. Бюро перапісу насельніцтва ЗША Праверана 20 сакавіка 2022.

   <a href='https://wikidata.org/wiki/Track:Q637413'></a><a href='https://wikidata.org/wiki/Track:Q23766566'></a>
3. арт. Нью-Гэмпшыр — Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).